Popular Bible Verses from Isaya 40

Share

A ninga mtamo ka wule a nga karala, kambe engetela mtamo ka wule asi ngako ni mtamo ni wa wudotho.

Vavaphya va na karala, ni kurereka, kambe vavaphya, ngu ditshuri va na wa. Aniko avale va emako ka MKOMA, va na wuseta mitamo yawe, se va na kwelela ngu tibhapi kufana ni magama; va na tutuma va si karali, va na tsimbila va si rereki.

Khu ti zivi, khwa tipfa taku, Txizimu txa yotshe mbimo, MKOMA, M'vangi wa magwito a mafu, kha karali, hambi kurereka kani? Mapimo akwe kha ma na mpimo.

“Dipswi da wu a kwangulako txiwulani di kha dona: Longiselani nzila ya MKOMA; lulamiselani amu ka ligwangwa magondo a Txizimu txathu.”

Mwasi wa oma, se siluva sa mora, aniko dipswi da Txizimu txathu da zumba kala kupinduka.

Se wudhumo wa MKOMA wu na wonekiswa, kambe yotshe nyama yi na ti wona tito, txisofu txa MKOMA txi wombile tiya.

Yotshe mikova yi na guletwe, yotshe mimango ni sotshe simangwana si na khundumuselwa; makhalo o gomboyeka ma na lulamiswa, ni makhalo a mikova ma na tatiselwa.

A na dyisa mtxhambi wakwe kufana ni m'dyisi; a na sengeleta sinvutana mawokoni kwakwe, e si khutarela hakhana kwakwe; a na gola kha kwati ati ti mamisako.

Gulani maso mi wona txitimwi, mi wona taku i mani a nga vanga sona siya. I mani a nga ti vangela so talisa tiya, i mani asi dhanako sotshe ngu matina a sona; ngu mhaka ya wuhombe wa mtamo wakwe, ni kutsana ka mtamo wakwe, kha ku na mbi pwateka ni txa tximwetxo.

Ngene wule a nga khalahatsha txitimwi ka txiwumbulutwa txa mafu, awule kwakwe, ava va zumbako ha mafuni va fanako ni tihumbi; ngene a nawulutako nzuma yi txi nga m'jiyo, e yi gwimba ku nga ditenda, kasi kuve zumba ka dona

Wombawombani ngu wumbilu ka Jerusalema, kambe kwangulani mi m'zivisa ti to wukhumbi wakwe wu gumile, ti to sionho sakwe si divaletwe, ni ti to ka sotshe sionho sakwe a amukete hakhelo kumbidi ngu ka dianza da MKOMA.

Dipswi di kha dona: “Kwangula.” Se wokari a nje khene: Na kwangula ni txi khani txani kani? Yotshe nyama yi fana ni mwasi, ni kotshe kutshura ka yona kufana ni siluva sa txitinga. Mwasi wa oma, se siluva sa mora, ngako moya wa kuhefemula ka MKOMA wu di pindile txitimwi ka sona. Ngu ditshuri, vathu i mwasi.

Wonani taku MKOMA Txizimu a nata, kufana ni ndena, se diwoko dakwe di na fuma; wonani taku, ata ni txhatxhazelo yakwe, ni hakhelo, masoni kwakwe.

Thavelelani, thavelelani vathu vangu, kuwomba Txizimu txanu.

I mani a nga pima linene ngu dianza dakwe, awu a nga teka lipimo la nzuma ngu manza akwe, se e sengeleta lithulu la mafu, ka mpimo wokari, ni kupima mimango ni simangwana txikaloni kani? I mani a nga tsimbitisa Moya wa MKOMA kani? I mani a ngava mlayeli wakwe kani? A mahile ni mani txikungo, kasi ku e mninga mapimo, ni ku mkomba tinzila to lulama, kambe e m'gondisa wutxhari, ni ku mmaha e wona nzila ya wutxhari kani?