Popular Bible Verses from Isaya 41

Share

u nga thave, nguko ani ni ni nawe; u nga gume mtamo, nguko ani ni Txizimu txako; na kutsanisa, kambe na kuvhuna, na kuseketela ngu dianza dangu da txinene da kululama.

Nguko ani, MKOMA, Txizimu txako, ni kuñola ngu dianza dako da txinene, ni txi khani kwako: U nga thave, ani na kuvhuna.

Wona taku, votshe vale va ku henyelako, va na wiswa tingana ni ku khulumetelwa; kambe kha va na mbi va va txilo; ni vale va kulwisako, va na lova.

Awe ni nga kuteka kukhukhela magwito ka mafu, ni txi kudhana ngu hagari ka makhalo ako amanene ngutu, ni txi khani: Awe u txithumi txangu, ni kusawute, kha na kuleka

U na va lava, aniko khu na mbi va mana, ni vale va no lwa ni nawe, kha va na mbi va va txilo, kufana ni tximaha txo mbi va txilo, avale va no lwa ni nawe.

U nga thave, awe txipungwana txa Jakobe, sivathwana sa ka Israyeli; ani na kuvhuna, kuwomba MKOMA, kambe Mtiruli wako Msawuleki wa Israyeli.

Aniko awe Israyeli, txithumi txangu. Awe Jakobe, awe ni nga kusawula, liveleko la Abrahamu, mngana wangu.

Ni na tula minambo ka makhalo o guleka ni sisima hagari ka mikova; txiwula txi na hunduka txi maha maziva a mati, ni mafu a kuoma ma na humisa sisima sa mati.

Vaxaniseki ni vale vo pwata va lava mati, kambe kha ma ngaho, se tidimi tawe ta oma ngu ditora; aniko ani MKOMA, ni na va engisa, ani Txizimu txa ka Israyeli kha ni na mbi va leka.

I mani a nga thuma e maha timhaka tiya, e dhana matiko kukhukhela kukhatani kani? Ani MKOMA, wo khata ni kugwita, ani nipune.

Ni na phaya mindonga ya mikedhari txiwulani, ni mindonga ya misita ni ya murta, ni ya miolivha; amu ka ligwangwa ni na veka faya, ni miolimo, ni seringa, kasi ku votshe ve ti wona, se ve tiziva, ve tumela, ni kupfisisa kumweko tito, dianza da MKOMA di nga maha tiya, ni Msawuleki wa Israyeli a nga si vanga.