Popular Bible Verses from FILIPI 1

Share

Ndai Ruma Hatalla ma tampu'una karawi ma taho ede d̄i nggomid̄oho, ro nahu ka'imbi poda Sia d̄imatuwuna karawi ede sampe nggorina wakatu Ainaina mai mbalina Ruma Isa Al Masih.

Akeku do'a nahu d̄iru'u b̄a nggomid̄oho: raho-raho to'impa nggomid̄oho naha meci ra ca'umu Ruma Hatalla ro sasama ndaimu ro nanaha mboto loa ra tingimu ma ncihi ro loamu timba ra lemba. Ade ndedekaina nggomid̄oho ma loaku b̄ade kad̄ale au ramataho poda, ro morimu d̄imaraso rad̄i ma'iha atao b̄ab̄u ra lo'o kai au-au rau wakatu ainaina Al Masih mai mbalina.

B̄ara ru'u b̄a nahu, d̄ine'e b̄a moriku d̄iru'u Al Masih mpa! Ro made ede aona laba.

Sanikina nahu kawaraku nggomid̄oho, nahu rentaku tarima kasi d̄i Ruma Hatalla.

Ma penti ake eded̄u b̄a one nggomid̄oho mori ncihi ncao lab̄o au rakane'e poda b̄a Haba Mataho mab̄oha Al Masih ede. Ade ndedekaina, kombisi nahu loa eda angi lab̄o nggomid̄oho atao wati, nahu d̄imaringa b̄a one nggomid̄oho tenggo kasab̄ua weki ro usaha kapoda ade sama-sama d̄i ru'u sab̄uampa nia ro sab̄uampa d̄i ne'e; eded̄u d̄i imbi mapoda ma ncihi ncao lab̄o Haba Mataho rad̄i Ruma Hatalla ede.

D̄ine'e poda b̄a nahu ro rahoku eded̄u loakud̄u ai to'ina nahu dantau hasi d̄ei taki ra putakai nahu. Pala ne'e b̄a nahu loakud̄u sanikina wakatu, mapenti poda ake, loa katada disaku, ndad̄ina kai samenana sarumbu ra nawa nahu – nataho nahu moriku atao madeku – Al Masih d̄ikad̄ese ra kantasa.

B̄ara Ruma Hatalla nawa'ura mbei bareka d̄i nggomid̄oho laina d̄i imbi mpoakai d̄i Al Masih, pala d̄imasusa ra ncoki rau d̄i ru'u Al Masih.