Popular Bible Verses from EFESUS 6

Share

B̄ara ndaita lewa laina ao manusia, malaisi ao tenggo ra wale sara'a seta-seta ma kuasakai jamana ma dab̄ae ake. Ndaita ao tenggo ra wale roh-roh madab̄ae ma kuasakai ese woha ai.

Karawipu samenana ede do'a salaho d̄i rahokaimu bantu d̄i Ruma Hatalla. D̄i sanikina wakatu, do'apu b̄une Roh Allah mad̄anda nggomid̄oho. Pab̄uapu nggomid̄oho sadia ncau ro aina koa. Do'a ncaupu ru'u samenana ela Ruma Hatalla.

Kanipu samenana d̄aha ra d̄ano lewakai rambei b̄a Ruma Hatalla d̄i nggomid̄oho, loakud̄u nggomid̄oho wa'umu taha ao cara-cara tipu b̄a Ibilis mamboto aka ma dab̄ae.

B̄ara ndedena, ake, kanipu samenana d̄aha ra d̄ano lewakai Ruma Hatalla, loakud̄u d̄i ainaina ma dab̄ae nggomid̄oho mawa'uku ao d̄i ade deikai b̄a musu. Ro loakud̄u sawa'u b̄a nggomid̄oho lewamu sampe cumpukaina, nggomid̄oho mbuipu kante'emu.

Sanikina wakatu kanipu imbimu d̄i Ruma mandad̄i d̄aha matula ao; kai imbimu ede nggomid̄oho maloa kamade ao sara'a ana fana afi rad̄i Ibilis. Wehapu d̄i salamakaimu kai songko waja, ro nggahi ra eli Ruma Hatalla d̄imandad̄i peda rad̄i Roh Allah.

Pab̄uapu nggomid̄oho sadia ncau. Kanipu ngoa ra tei mapoda rad̄i Ruma Hatalla, d̄imandad̄i salepemu, ro taho poda ademu d̄imandad̄i b̄aju b̄esimu. Pab̄uapu rela ademu d̄imangoa ra kahaba Haba Mataho ma wa'a taho ra ntai mandad̄i sapatumu.

Cumpukaina, pab̄uapu nggomid̄oho ndad̄i tenggo kai tenggo ra wale raraka b̄a nggomid̄oho rad̄i kuasa Ruma, b̄ara nggomid̄oho sab̄uamu lab̄o Sia.

”Lia ra horomapu ama ra inamu” edeku parenta sarambana rad̄i Ruma Hatalla kai sake, eded̄u: Loakud̄u nggomid̄oho taho ra ntika ro d̄ende umumu d̄i dunia.”

Anad̄oho! Ma b̄atu Al Masih, to'apu d̄i dou matuamu b̄ara edeku ma patu d̄i karawi.