Popular Bible Verses from PONGOTUNGGUL 3

Share

Sasaibino kolobo doi dunia nia teali doi tempo Mian Bisa motantukenemo.

Mian Bisa tantukene kotempo tuuk mosuungan tukon tempo tuuk matean, tempo tuuk basakakonan tukon tempo tuuk mokibute, tempo tuuk mangakate tukon tempo tuuk moaline, tempo tuuk mobarombak tukon tempo tuuk mobangune.

Mian Bisa motantukene kotempo tuuk kokiil tukon tempo tuuk kokumbitan, tempo tuuk mandaung tukon tempo tuuk osulengan, tempo tuuk pokooloi tukon tempo tuuk aki napokooloi, tempo tuuk polobok tukon tempo tuuk taane kobutongo.

tempo tuuk bendinge tukon tempo tuuk kaute, tempo tuuk aki nabiok tukon tempo tuuk basilingan. Mian Bisa tantukene kotempo tuuk moseseang tukon tempo tuuk misikit, tempo tuuk polobosi tukon tempo tuuk podamean.

Mian Bisa tantukene tempo tuuk posunggene tukon tempo tuuk molapus, tempo tuuk posunggene tukon tempo tuuk moakabuse

Yaku toiyo baikon saibino ko Mian Bisa nalimang naikon tataap daano sidutu-posidutukon. Kobanggapi aki namoola sungiyo kai nakurangiyo. Tukon Mian Bisa natindakan bunodoiya sulano kita matakut doi Yana.

Kupikikene, Mian Bisa naikon adiliyo komian momonondok maukai mian molokis; sabab sasamba kolobo tukon sasamba kotindakan naikon teali doi tempo Mian Bisa natantukanano.