Popular Bible Verses from PONGOTUNGGUL 2

Share

Mian Bisa Beena pandoian, pengetahuan tukon namonondokan doi mian mokindedeke Konoano. Bai komian mobaladosa Yana sumboliyo nabalimang monggolii napakah tukon atambuno kohasilo sulano nasinalakanggon doi mian mo sananggene Ko Mian Bisa noano. Jadi saibino doo sia-sia buno usaha mololonggon mombuul.

Akiyo komo lobian kona monondok doi banggapi luwedoi kinaan, monginum tukon monikmatio kona balimangan hasilo. Yaku sadar baikon doya Mian Bisa nabineekon. Indeekai komomoola makaan tukon bala-bala sanang kalu akiyo ko Mian Bisa?

Bai doi bundu kutelitio saibino daku limang, tukon koidan saibino daku pinakadakon tuuk mo alapayo daku limang-limang, maka yaku sadario baikon saibino doiya akiyo koalatino. Daku usaha doo sia-sia bunokai mololonggon mombuul tolong.

Sasaibino daku minomoaton, yaku ambabule; aki pernah yaku, motaane kobutonggu sulano monikmatio kokasanangan. Yaku laba doi saibino daku pakadakan hasilo, tukon doiyamo daku tambo.

Bisa, yaku toiyo, “Pandoian lobian monondok luwedoi nadonggangan, bunokai madialan lobian monondok luwedoi kalipookan.

Mian pandoy moola kitayo konaarah tujuan; bai komian mobodok naapakon naampakon baino bata-taap.” Bai yaku toiyo koidan baikon konasib mopokakana naikon tepakiyo yanila saibino.

Sabab kobanggapi balimang kokobukuan tukon sasaibino kopandoian, komotoian tukon napinandoikon tuuk nalaatano komeeng kolobo. Bai doinalapaan yana sio tinggale saibino kohasilo napinakadakan doi mian moakiyo kona lumbas. Jadi, doiyakai sia-sia, tukon tutuu aki naadil!