Popular Bible Verses from PONGOTUNGGUL 4

Share

Kalu luwa komian badaang kountungo bai kalu tongo meeng komian soisik kountungo. Kalu yanila balimang konahasil naikon lobian monondok. Kalu meeng komian otuwong dono meengoo moola natulungiyo. Bai kalu tongo meeng komian kalu yana otuwongo, silakamo yana, sabab akiyono komoola tulungio.

Lua komian moampakon polaing moola motangkise kopolobosi, bai komian motongo susuungo moola nalinunggui. Tolu koalos mopinutal teali meeng, susah nabinotol.

Doi popook mokumelon lua komian momoolo polouli moola napomatalanas, bai bulaando kai komian moola teali matalanas kalu tongo susuungo?

Mungkin doiya bisa, bai lobian komomonondok kobuat mau natongo soisik bai kubaiyo sananggane konanggita kalu bamo kita mobalimang kokobukuan bai akiyo kokalo jadi pokakana kita mololonggon mbombuul.

Yaku toiyo koidan baikon kobanggapi balimang bunodoiya kona matikasang, tolongo sabab masakit konoano kitayo kona usaha hasilo napokolanian. Sasaibino doiya sia-sia tuuno buno usaha mololonggon mombuul.

Komian motalalais moola teali tomundo, tukon meeng komian motinan moola biol doi kursi batomundoan. Bai kalu tomundo doo motuamo todudulo konalongasan momatalima otinau, maka kona tuboan lobian kulokis tadumokai meeng kopemuda mo talalais bai pandoi.