Popular Bible Verses from KOLOSE 3

Share

Komuyu sio posabar doi meeng tukon bailon, tukon sio po poompuni kalu daano komo mangabos noa nggimalan doi bailon. Temeneno tukon sanaang konoano ompuniyo komuyu, jadi komuyu sio poyase ompuniyo meeng tukon bailon.

Arahkanggene komu pikiran doi langge-langgedoo, inai nabaino langge doi dunia nia.

Indeemo kolimango bineekon doikoo, siokai komuyu limange tukon tootubo konoamuyu, pokakana buno Temeneno kopolineleani, tukon bolikon tongo banggapi.

Utus daano Mian Bisa namian. Mian Bisa mamaasikene komuyu tukon piliyo komuyu sulano nateali namian mo tangalaas. Doiyamo kosababpo komuyu sio pookitakene kopoo seang, komuyu sio pomonondok konoamuyu, aki nabingkate kobutongo, matalamuyuk tukon yase sakisaa.

Siokai doi Kristus naotunggul-otunggul mo moono balakaat natelem doi noamu lalomo. Sio komuyu pootunggul popobee otinau doi namonondokan. Pomanyanyikene kosadeong tukon nggaa-nggaale tukon lagu-lagu rohani; pomanyanyi tuuk doi Mian Bisa tukon perasaan kinatauwan doi noamu lalomo. Sasaibino oila komo komuyu kubaiyo kabai bantilan, siokai doiya posipatene tukon pobantile luwedoi Temeneno Yesus sambuno. Pobakinatauwan doi Mian Bisa Tama tuuk oila Yesus nailakukon doikoo.

Tukon komo penting tuuno, doiyamo: Komuyu sio poposeseang sabab do seangoo doiyamo komo pomeenggene Utus-utus sasaibino tobikon nateali talakana.

Komuyu lapamo inotuboi koidan posinggat-singgat Kristus. Tobikon doiya komuyu sio pomoumbolii sulano pomalaat langge doi surgaa, inaando Kristus tukon Mian Bisa namaparentaan posinggat-singgat.

Siokai komu mongiasan-mongiasan tinantukon doi pokindokan Kristus mo beekene doi noamu lalomo. Sabab Mian Bisa uange komuyu sulano teali anggota meeng kobutong, sulano komuyu tubo doi pokindokanoo lalomo moluwedoi Kristusoo. Siokai komuyu pobakinatauwan.

Tobikon doiya, akiyenggene kodunia naminooton-minooton mo otuwenge kobutomu, buno balolowaan, lobo mo aki namonondok, noano lokis, naminooton lokis, tukon modokoan (sabab komodokoan doiya pokakana tukon bapilogotan.)

Sabab komuyu lapamo mate, tukon komu tuboan tosookon polaing Kristus doi Mian Bisa.

Bai budodoiya siokai komuyu aisene kolangge mo lokis doi butomu: inaimo koidan moliit, kai nggimal kai mosikitene komian bailon. Aki namoola tobuat doi suumu kobantilan-bantilan masangolan kai bantilan mo manggilit.

Inai mobakokolii meeng tukon bailon, sabab kotuboan loolukoo tukon sasaibino kolangge lapamo komuyu tinggale. Komuyu budodoiya lapamo binee tuboan mo boolu. Komuyu daanokai banggapi boolu, mo daano kiniboolu momeenggon doi motealikene, doiyamo Mian Bisa, pokakana koduduso susuungo. Kona makisuut doiyamo sulano komuyu tingoniiyo ko Mian Bisa tukon tontong.

Utus-utus mo teali langkai! Seseange komu boloki. Inai monggimoliiyo yanila.

Labuk-labuk! Daano kopokuwajipan buno meeng ko Salani miano sulano sidutu taat doi tama tina, sabab doiya komo kindendeke ko Mian Bisa noano.

Utus-utus mo teali boloki! Potaat doi polangkai, sabab sio nabuno doiya komu kalakuan maka namoola binantil Salani miano.