Popular Bible Verses from IBRANI 13

Share

Uang bimak binip batetaram daytu bas. Era aemomemmakam pak, jak akot aememay. Allah atakam akore, “Dere wora bamompim apoknak aemtemin. Denom beken wora bajiapom apoknak aemtemin.” Emes atakam aesimen.

Emesare, Yesus Kristus, waaam, toam, asep baream, awar aememaarem.

Erarawa dare jak fiak aememamo. Danom: “Tuhan ere, pi dera bajat Ipit. Erarawa dere asamot owe aemtanis pak, ombare apok aememmin.” Emes atakam aesimteteramo.

Emesare, tare akot baemam, tarmamon asan akot bajamemamam, bimak binip bajanimem bas. Era pak aemtam, danom pak Allah ataetiitammarom emes tamen are. Anom Allah akot apormar pak jipu.

Erarawa, danom tere Allah aeomaaramo. Yesusam dare era pak baem, bimak binip atetammaro. Danom era pak aemtam, dare pak Allah ataetiitammarom emes tamen are. Dare, Allah akot, emes atakam akoretam, dare pak, Armat Ipit atetammarom emes tamen are.

Owe takes, ooreysai, akot pak baportas. Owe tani tamane bajamdamat bas. Allah era asan pota pak baem oweam, era tani tamane bajamdamat oweam, atakam asakamtiitem.

Bimak binip bajanimem bas. Tanom kaaowe tatame atoomjiiay. Wan owe, emes aemes ere, are malaikat owe atoomjiies. Me, era atoomjiies owe, malaikat owe apok emes jiraoemesen. Are asamot owe jiraoemesen.

Allah ere, owe ji baem batetam Ipit. Are, Yesus daTuhan ajaoromwasumtume. Yesusam, aesee ajirimdaeme. Erarawa Are jiine ataaji, ataaji anakot aporomtame. Allahrawa, Armat Ipit, Domba Banamek Batai Ipit Daytu, ataemome. Emesare, Allah, era akot pak takes tara batetamtan. Era pak tare Armat Ipit akot apormar jipu baem pak. Armat Ipit era akot apormar pak jipu, tajak bomon baemtetertan. Armat Ipit, Yesus Kristus, era pak, tajak bomon baem, ataemome. Oweam emes atakam bakoreaartas. “Emesare, Yesus Kristus akotnak.” Emes atakam tere baeomaartas. Are atakam, ere atakamnak.