Popular Bible Verses from YAKOBUS 1

Share

Dejoo owe akotnak! Tare ajirisemtakam pak kupis damon ere, jak akot aememay. Me tare Allah eemnak bamesemkorom apaye baempor pak, jak jirao tara aemapomteman.

Emesare, owe abimak binip baso apoknak aportas, are atakam Allah bajanimtas. Allahrawa, bimak binip baso atetamtem. Emesare, Armat Ipit, asan akot, owe takes atetamaareme. Are bi wuturu batem apok aememe.

Dejoo owe akotnak! Emesare, owe takes jane fef bajitas. Me, are atakam bokore fef bas. Are jak ambap fef bas.

Tare ere, jak jirao aememkoromaaray. Erarawa tare sira awotemkoromtakam emes tamena. Tanom turunak owe aememtemakam. Tanom bambi baemem apok aememtemakam.

Emesare, ara atakam ji aeay. Jane bambi bajie bas. Tare potet tamba batutumem-ombar.

Owe era baempor pak jak fiak aememtas ere, asan akot aememtemas. Allah era owe eemnak Ara bamesemkorom aporto, Are jiinenak pak era owe atetamtem. Are era jiinenak pak, ere Ara afaimemas owe batetam, ataaji aee.

Allah era wonamo oup sare pak akenemapomen. Era ataetmarom akot pak takesam, era ataetmarom anakot pak takesam, ere Armat Ipit aotetammaro. Armat Ipit juiin afaafemar, akot ajim. Are beak sos dara baemesotam asan apok. Are dare jiiti bomon baemetaemom asan apok.

Wan owe ara atakam jane ajimas. Me, are era atakam ji bae apok. Era owe, ara sirmin jip aporememas owe emes tamen are. Are era sirmin ajip aporememas. Ararawa, aoesosemas. Are ajip aporememas, wanam bimak binip ajanimememas.

Owe, pak, era asan pota aemememas barme jiiam, tano tapesam, afaafetamtas, wanam are era aemansa tapirmi pota pak bajamkai apok aemtas, ere Allah era owe ara bajamkai anakotnak aporeme.

Owe era baempor pak atatapimtaatas, wanam pota pak baem bimak binip atetaramtas, are, “Allah pota pak baem dera atatapimtaaman,” emes atakam bakore bas. Owe, Allah pota pak baem, baemetatapimtaa asan apok. Allaham owe pota pak baem, baemetatapimtaa asan apok. Owe ere, pota pak baem jak amba asenomemtas, ere ajak basenomem pak, era owe ara pota pak baem, emes atatapimtaaeme. Me ajak basenomem pak, era owe, jak aseseremtaaem. Are era owe akikimtaaemar emes tamen are.

Emesare, wan dajoo owe pak apok owe. Era owe ere, are Allah owe emes asan akot aememto, jak akot baememtas.