Popular Bible Verses from IBRANI 12

Share

Emesare, banamek dara bataiomem owe tananenak, afojommaroas. Emesare, era akekemtaamaro pak takes, bakoromosomamo. Danom wuturu aemomparo dosa takes, bakoromosomamo. Dare ja putet ajamomtam pak, jak jirao aptam ja ajamtamamo. Danom banamek Yesus taka asakasimamo. Armat Ipit Allah eemnak bamesemkorom bimak binip atetamero. Are, dare Allah eemnak bamesemkoromaar, emes bimak binip atetamaaremaro. Armat Ipit era asep bare jak akotnak aemto pak aporen. Erarawa Are salib oup dambir batem, ombare baesos apoken. Are salib oup dambir batem damke bakem ombare apoken. Ararawa, waa Allah aemapmar asan bo poman aemapem.

Owe dara atajuumtaroas, era pak dare jak pota baemapom pak aporemarom. Ere jak akot baemapom pak apok aporemarom. Era batajuum pak ere, dare akot pak baem baememtam pak. Erarawa asep bare, era batajuum owe, owe akot aemememas. Are ji baem jak owe aemememas.

Tanom owe takes akipimtaerporay. Tanom owe turunak aememporay. Me turu apok owe, Tuhan bi bapor apok aemtemas.

Tanom Armat Ipit aeme pak bimak binip atetaramay. Emesare, dosa owe, Armat Ipit, bifane daytinak afeomesen. Me Armat Ipit ere, jak fiak aememen. Erarawa, tanom damojip bas. Tanom jak basakamem bas.

Emesare, Allah dare baemesiisim asan apok aobaomep tapirmi atetamaro. Erarawa dare terima kasih atakam akoromamo. Danom Armat Ipit jinim daytu aeamo. Danom ombare aptam Armat Ipit asitimamo. Armat Ipit akot apormar pak jipua.

Era ajirisemmakam pak, ere Allah tare akot pak baem aememtameman. Tare Allah arereis. Erarawa Are era pak tara aemomemman. Asamot duturu owe takesam, arereis ajurusumemas.

Emesare, daAllah, pak jisimak bamomtiimkorom emes tamen aememem.

Darisare, dara atajuumeroes bare arke apok. Ere era akot apores pak jipu. Me Allah atajuummaro pak ere, asan akot dara batetam pak. Anom dare turunak owe, Allah turunak pak jipu, baemapom pak.

Me dosa pak bakumimosom aemporaarukum ere, waa ajiire, owe wusup esee tara batetaramtaapor apok.