Popular Bible Verses from Ifisiɛ̌n 4

Share

A tbɛ imo noǎǒ kɛn, a nu kàan dɛ a miě tè mɔ̀ konkɔɔ no. Ba popoo tè wlò le wòje keǒ Tentǎn Jǔ nu aa tè wlò le pooa.

Tǐ wùɛ mɔ̀ a tìeǒ aa chɛ̀ ja klee a kɔn wlèe sɔ̌n, è a kɔn wlò dbadbǎ keǒ nyopò tùu mɔ̀ plě a nonoɛɛ měne.

Aǎ boɛ dɛ wùɛ ɛ̈ mii nyopò tùu mǒ bo sǐba, kɛɛ a boɔ dɛǒ sɛ̀ɛ lee tùonyopo mǒ sosǒ ɛ mǐ u měne kunkuu nu ɛ̈ di ɛɛ numa nè boɔboɔ winʼǒ i miě nyopòǒ wɔ̌n nii dɛ bo po.

Aǎ kwɛn dɛ kukǔu kɛ̀ keǒ aa wlè jleě keǒ nyopò tùu mɔ̀. Bǎ ke jlo pe, aǎ se je kenkan ji. Aǎ ke jlo pe aǎ pnɛ̌ le plě aǎ cheɛɛ̌ nyopò tùu le. Aǎ fɛɛn nyu wùɛ.

Bɛ̌ nu aa nyu bɔ̌ be jlo měne, ɔɔ̌ ni dɛ kukǔ wòje keǒ Nyesoaa win dɛ̌ɛ. (Ps 4.4) È aǎ pɛɛn jlo popoɛǒ bo ɛ̈ di ɛɛ numa aǎ di kǔ fɔ̌ nye ɔɔ̌ di a nu aǎ di aa tè wlò popoɛ mǎ.

ba tɛ aa kmɔ̌ kukǔ dakǎǒ bo ɛ̈ kɔn ble po dɛ gbee amoo mǒ ɛ̈ sùe amoo gbè. A kɔn ba kɔn dlǒ le sìɛnsiɛn jajlo a mǐ kmɔ̌ jajlo kɔn ɛ̈ di ɛɛ numa a mǐ jebo siǐn ni kpǎkpǎ klee a mǐ ngmà je ne wòje keǒ Nyesoa nuu.

A nu dɛ wùɛ a wɔ̀le je ba nuu ɛ̈ di ɛɛ numa ně bo wnawnaǒ Ngmà Je Ne Sùsu nye amoo ɛ miě a slè ne ɛ̈ǒ poǒ aa tàa do.

È Ɔ nye tìe tùu Nyesoaa Sùsuu nyee dɛ ɛ̈ moo Ɔɔ tuposàà ɛɛ kpokpa, Ɔ̌ nye tìe Nyesoaa win wan sèsa Ɔ̌ nye tìe Nyesoaa win blě kɛne naea Ɔ̌ nye tìe Nyesoaa tè boɔboɔ Ɔ̌ nye tìe Nyesoaa win teea. Dɛǒ nɛ̀ kɔn mǒ Tentǎn Jǔu wǎn wɛ̀ɛě mɔ̀le keǒ bu nu Nyesoaa konkwa ɛ̈ di ɛɛ numa Tentǎn Jǔu wǎn ü moo Ɔɔ fǒ u mǐ kun ɛ mǐ ɛ kpa kpa äa wùɛ ä mǐ tè wlò popoɛɛ doǒ kɔn plě ä mǐ Nyesoaa Jǔǒ Ɔɔ tè měne ji ɛ̈ di ɛɛ numa ä miě jele wɛ̀ kpǎkpǎ wòje keǒ Ɔmo Tentǎn Jǔu chɛ̀ nuu.

Ii tè äa ka bɛɛ̌ wě je jlǔ klɔkwlěe kɛ̀ üà nyopò mǒ boo nyo booa mǒ ü nii nyopò tùu kplakplǒ kmɔ̌ jele plě ü pe ɛ ble bü po uu kenkan snǔ wan. Bɛ̌ nu bä noɛɛ Nyesoa mǒ bä ke Ɔɔ kàan win nɔkǔ jebo pe, è äa tè wlò popoɛ ä kɔnʼɔ klě Tentǎn Jǔ mǒ Ɔ̈ moo äa Chì Kpa Ämo ɛ mi kunma klě wakě wùɛ mǒ.