Popular Bible Verses from Ifisiɛ̌n 5

Share

Nyesoa noɛ a mǒ no keà Ɔɔ jlǔ, nɛ̀ kɔn tè a kɔn ba tɛ̀n ɛ mǒ ba nu dɛ bɛ wǒ Ɔ je. È a nɛ mǒ noɛnoɛ bɛ kɔn aa kmɔ̌ neneɛ win kwa wòje dɛɛ doǒ Tentǎn Jǔ nuu Ɔ̌ noɛɛ ämoo mǒ ii tè Ɔ̌ kǒo keǒ äa tè mɔ̀ wòje keà wan nmɔ nyee dɛ ɛ̈ pee sonsnǒ klee chɔ̀no ɛ̈ pie lee Nyesoa je.

Ii tè a tùě jǐ bo ke a mii kmɔ̌ neneɛ numa. Aǎ moo plɔɔ kokǒ nyo, kɛɛ a moo tɔ̀n kɔn nyo. Noǎ kukwǐ fòfoa nì neɔ kmɔ̌ɔ mɔ̀, ii tè tǐǒ a kɔnʼɔ a sàě i kàan dɛ wlòmo.

Baǎ nɛ̌ nmɔ ɛɛ̌ ni amo, ɛ mi a jǐ le nymiima sosǒ, kɛɛ Ngmà Je Ne Sùsu bɛ jǐ a je. Bɛ̌ nu bǎ neǒ tàa do, a ble wleǎ ï neěe bleble chněedɛ̌ǒ monoo Sàǎm wlòmo klee a ble wleǎ tìi ke keǒ Nyesoa mɔ̀. A ble a mǐ chǒn le nu keǒ Koɔn mɔ̀. Tǐ wùɛ mɔ̀ a pe Nyesoa tàto Ɔ̈ moo Gbeǐ keǒ noǎ wùɛ mɔ̀ klě Koɔn Jùsu Tentǎn Jǔu nynɛ̌ wlòmo.

Tèǒ nì kɔn tè aǎ blě kokǒ plɔ, kɛɛ ba pɔ̀n dɛǒ monoo Koɔnʼɔ kɛn wɔɔn dɛ le keǒ a mɔ̀.

Amo jbeapò, keǒ Tentǎn Jǔ nuu Ɔ̌ noɛɛ Ɔɔ wǎn mǒ Ɔ̌ kǒo keǒ uu tè mɔ̀, kě ba nu a noɛɛ aa nyno mǒ.

A ne pnɔě kwijlě slè, kɛɛ klě tǐà wlòmo a kɔn tè wlò popoɛ klě Koɔn mǒ, nɛ̀ nu ɛ ǎ neě pepě slè. A ne kmɔ̌ wòje Nyesoaa jlǔ.

A tìeǒ aa chɛ̀ ja ɛ̈ di ɛɛ numa a miǒ Tentǎn Jǔ tù.

Amo nyno, keǒ a niǒ aa chɛ̀ tìetiɛ keǒ Koɔn mɔ̀, kě ba nuǒ aa chɛ̀ tìetiɛ keǒ aa jbeapò mɔ̀.

plě ǐ kwɛǒ aa do do jleě mǒ bo ɛ̈ moo jbe bɔ noɛɛ ɔɔ nynɔ mǒ wòje ke ɔ nu ɔɔ chɛ̀ mǒ noɛɛa, è bo nynɔ bɔ nyeǒ ɔɔ jbe tùtuɛ.

wòje keǒ Nyesoaa win dɛ̌ɛ ɛ̈ moo, “Tèǒ nì kɔn tè jbɛju siǒ ɔɔ naǎ klee gbeǐ bo, ɔ klee ɔɔ nynɔɔ sɔ̌n pɛ tǐn koǔ bo ǔ ni dɛɛ do.” (Gen 2.24)

Noǎà see dɛ nynɛ̌ sɛ̀n ï moo kwijlěe noǎ aǎ pe i aa chɛ̀ slè, kɛɛ dɛɛ do ba nuu nɛ̀ moo a po imo noǎǒ pepě mǒ.