Popular Bible Verses from Ifisiɛ̌n 3

Share

Tè jǐ boaboǎ keǒ Nyesoa mɔ̀ Ɔ̈ kɔn kpě ï nii konkwa klě ä mǒ äǎ wɔ̀le ɛɛ keǒ bä nuu noǎ fòfoa ï ä slě wɔ̀ bä sìɛn nee dlǒ mɔ̀le klee bä gbàa wan. Nɛ bo Tentǎn Jǔu wǎnʼa jlǔu jlǔǒ neě kmɔ̌ɔ nya ü kɔnʼɔ tè wlò popoɛ klě Ɔ mǒ bu nye Nyesoa tè jǐ boaboǎ ke ɛ mii jleě mǒ bo tonma, kě bɛ ne.

Ě gbɛ̀ Ɔ wan keǒ Ɔɔ Sùsu Bɛ nye a kpě ï sonwɛ lěe Ɔɔ kpě fòe mǒ ɛ̈ di ɛɛ numa aa tè wlò popoɛ mǐ kbě mǒ ne ɛ mǐ ɛ nu Tentǎn Jǔ miě aa wlè jleě ne. Ě bɛ̀te Nyesoa keǒ ba mǐ Ɔ mǒ noɛɛ ne klee tùonyopo tùu ɛ̈ di ɛɛ numa a klee aa bǐì Tentǎn Jǔu wǎn tùu a mǐ kpě blě keǒ tèe de jbojbɛ mɔ̀, a mǐ ɛ jě ke Tentǎn Jǔu mǒ noɛnoɛ Ɔ kɔnʼɔ keǒ a mɔ̀ ɛ nuu kunkuɛn. Ɛ se nyu kɔn bɔ̈ jbo ɛɛ le kpǎkpǎ. È Nyesoaa chɛ̀ miě a měne jǐba kpǎkpǎ.

Keǒ dɛǒ Tentǎn Jǔ nuu ɛɛ tè mɔ̀, bɛ̌ nu bä kɔn tè wlò popoɛ klě Ɔ mǒ, ä miě ɛ wɔ̀ba bä boɔě Nyesoa mɔ̀, è ä mi wlò kpaea kɔnma kpǎkpǎ ɛ̈ moo Ɔ mi ä nɔkǔ jebo poba.