Popular Bible Verses from Klasɔ̌n 3

Share

A sèsɛɛ měne plě klee a popoo tè wlò le. Bo kpɛtɛ kpɛtɛ bɛ̌ beǒ mò klee nyu tɔ̀ɔ slè, poo ɔɔ tè wlò le wòje dɛɛ doǒ Koɔn nii Ɔ̌ pee aa tè wlò le.

Noǎǒ neěe jɔkɛn nì nè dlǒ le sìɛnsiɛn bɛ neǒ mɔ̀, bɛɛ̌ neɔ noǎà neɔɔ kmɔ̌ɔ mɔ̀ kɛn.

Konkwa wùɛ a mii numa a nu ɛ wòje keà a ni ɛɛ keǒ Koɔn mɔ̀ ɛ̈ see keǒ tùonyu mɔ̀.

Tèǒ nì kɔn tè ke ɛ toon jleě mǒ bo Nyesoa tba amoo Ɔ̌ tù amoo ngmà je plě Ɔ̌ noɛɛ amoo mǒ, a kɔn wɔle je jbojbɛ keǒ nyopò tùu mɔ̀ klee a kɔn kàan wlò ke plě a tìeǒ aa chɛ̀ ja, è a kɔn wlèe sɔ̌n keǒ nyopò tùu mɔ̀ plě a kɔn wlò dbadbǎ.

Nɛ bo Tentǎn Jǔu win bi neě a mǒ. A nu Nyesoaa tɔ̀n wùɛ a mǐ tetee le klee a miǒ snǔ mɔ̀le popoo lo. A ble Sàǎmʼa wleǎ klee wleǎ tìi, jà wleǎà Ngmà Je Ne Sùsu nɛɛ nee, a blee Nyesoa mɔ̀le klě chǒn le nunuɛ mǒ. È dɛ wùɛ a mii numa klee a mii boɔba, ba nuuě ɛ Koɔn Jùsuu nynɛ̌ wlòmo a mǐ Nyesoa tàto pe Ɔ̈ moo aa Gbeǐ keǒ dɛ Ɔ nuu keǒ a mɔ̀ ɛ̈ Ɔ nuuě Jùsu Tentǎn Jǔ mǒ.

Mǒ noɛnoɛ nɛ̀ bɛ pɛnʼǒ dɛ wùɛ dlǒ mǒ bo. Mǒ noɛnoɛ nɛ̀ ni nyopò wùɛ ǔ kenkmeeǒ mɔ̀ ble kpǎkpǎ.

Bɛ̌ nu sɛje mò klee Tentǎn Jǔ bǎ duǔǒ tàa do jemǒ klě kǒla mǒ, è noǎǒ neěe jɔkɛn nì nè wlò bɛ neǒ mɔ̀, tàě Tentǎn Jǔ neěe bo klě Nyesoaa dilǎ son mɔ̀.

Nyesoa Nɔ̀ dala amo a mǐaǒ tàa do ne klě ně bo wnawna mǒ wòje keǒ fǒo noǎa kplekplei nuu. Nɛ̀ kɔn tè nɛ bo ně bo wnawnaǒ Tentǎn Jǔ nye amoo bɛ blěǒ aa dlǒ le sìɛnsiɛn mɔ̀ kwa. A pe Ɔ tàto tǐ wùɛ mɔ̀.

Tèǒ nì kɔn tè a tɛ aa kpni kukwǐ kmɔ̌ǒ bo, jà wlawle nunuɛ klee se wòn mɔ̀ɔ wɛ̀ kmɔ̌ klee dɛ wùɛ kɔn tǒn wlògbae klee kpni kukwǐi ble po dɛ plě klee wnɔwnǔ wlògbae ɛ̈ monoo nǔkpuǐi wɛ̀ sèsaa bo tɛ̀ɛ.

Mɛ kɔɔ̌n tèǒ joo nɛ̀ moo a bɔ̌ dɛ kukǔ kmɔ̌ neea ne, è Tentǎn Jǔǒ Ɔ̈ neěe Nyesoa gbàa bo Nɔ̀ blě kmɔ̌ sie fònfno keǒ a mɔ̀ ɛ̈ nyu wùɛ slě wɔ̀ bɔ jlǐi.

Kɛɛ klě tǐà wlòmo a sàě imo noǎ taeǒ keǒ aa chɛ̀ jleě mǒ no, jà jlo popoɛ klee be jlo kukǔ měne sè je kenkan ji klee nyopò tùu jlaea. Pà kɛn popoɛ klee win kukwǐà nee tònwe biǐ diiǒ a wien

plě aǎ tentmɛ̌ɛ sen jele. Mɛ̌oǒ joo nɛ̀ moo a bɔ̌ kmɔ̌ kukǔǒ a neaa neneɛ ne plě a tùngmae kmɔ̌ jajlo neneɛ klee a kɔn de jijiɛ jajlo wòje Tentǎn Jǔ Ɔ̈ nye amoo kmɔ̌ jajloǒ.

Jbeapò ale, a noɛɛ aa nyno měne, aa dɛ bɛɛ̌ kmɛ wan keǒ u mɔ̀.

Jlǔ ale, tǐ wùɛ mɔ̀ a tùǒ aa naǎ klee gbeǐpò, dɛǒ nɛ̀ blee Koɔnʼɔ plɔ.

Tintǐn nyno ane, ke ɛ toon jleě mǒ bo ǎ monoo Tentǎn Jǔu de na nyo, a tìeǒ aa chɛ̀ keǒ aa jbeapò mɔ̀.