Popular Bible Verses from Klasɔ̌n 2

Share

Tèǒ nì kɔn tè keǒ a nuu ǎ blěǒ Tentǎn Jǔ Jùsu mɔ̀ kwa keǒ Bɔ moo aa Chì Kpa Ämo, kě ba nu kmɔ̌ neneɛ wòje nyopò ü kɔnʼɔ tè wlò popoɛ klě Ɔ mǒ. A po mǎ klě Tentǎn Jǔ mǒ, è aa kmɔ̌ neneɛ bɛ tee Ɔ kɛn plě aa tè wlò popoɛɛ kbě kɛn neneɛ bɛ bebee kɛne chɔɔ wòje keǒ Ɛpaflɔ̀ nu ɛ amoo teea. Nyesoaa tàto pepeɛ bɛ taanʼǒ a wien keǒ noǎ Ɔ nuu keǒ a mɔ̀.

A gbɛ̀ɛ le nyu wùɛ ɔɔ̌ di tùonyugbee tɔ̀n nu ɔɔ̌ di a mǒ boo lo klee kplakplǒà see dɛ wlòmo ne ɛ̈ sonwɛ lěe tùonyopoo blětà noǎ wlòmo klee sìsi ï neɔɔ kmɔ̌ɔ mɔ̀, kɛɛ ï slěe Tèntǎn Jǔ mɔ̀ mǒ sɔn.

A kɔna pnɔ kpni kukwǐ plě Tentǎn Jǔ sea aa dɛ kukǔ kmɔ̌ foeě bɛ̌, dɛǒ nɛ̀ kɔn tè a mooa pnɔ kokǒ nyo klě Nyesoa jǐ kɛn. Kɛɛ Nyesoa nu a klee Tentǎn Jǔ ǎ ne kmɔ̌ Ɔ̌ poo äa kpni kukwǐ wùɛɛ tè wlò le Ɔ̌ sàǒ plɔɔ tu kɛn bo maěaǒ blɛɛa ämoo je snǔ mɔ̀ wòje ke Ɔɔ teteǎ dɛ̌ɛ ï bɛ̌a ämoo kokǒ wun kɛn. Ke Nyesoa nu ɛ nunuɛ nɛ̀ moo Ɔ kɔǒ äa plɔ tu kɛn bo maěaǒ pète bɛ̌ tu jleě.

Mɛ kɔɔ̌n tèǒ joo nɛ̀ moo Tentǎn Jǔ wǒ je Nyesoa teěn teěn. È tè wlò popoɛ a kɔnʼɔ klě Ɔ mǒ nɛ̀ nu amo ǎ wɛ̀ě jele klě Nyesoa dɛ mǒ. Tentǎn Jǔ Nɔ̀ moo Je Siɔ keǒ win kwa kɔn nyo wùɛ mɔ̀ klee nyopòà kpě neěe kwete mǒ.

Tèǒ nì kɔn tè sɔɔnʼà tǐà jleě mǒ nyu wùɛ ɔɔ̌ tùiǒ ngmè ble keǒ a jleě mǒ keǒ dɛ ba dii mɔ̀ klee dɛ ba nǎa plě keǒ chnɛ̀ jlǒ wě ba tùǒo bo mɔ̀ klee sòbae jajloo de ngmnengmnɛ̌ ɔ̀ɔ̌ Nyesoaa de fɛ chnɛ̀ jlǒ waě. Dɛ wùɛɛ tè se kma, Nyu kɔn tè kmaa Nɔ̀ moo Tentǎn Jǔ.