Popular Bible Verses from Wóɖómà 7

Share

Gèɖèpɔ́ɔ̀ mɔ̀ nyɔ muɛ náa nyuùn dyììn ɖé Jízɛ̀ Kɛ́ɖɛ́ì mɔ̀à à Bounɓoɔ̀ kɛɛ mú. À po Gèɖèpɔ́ɔ̀ zùo. Ké kà ɔ nyu nìɛ̀ kɛɛ, ɔ kɛà kɛ̀. Gèɖèpɔ́ɔ̀ gmaɔ̀ kɔ̃̀ ní hwìɖǐi-poìn-hwòɖò-dyùàɔ̀ wuɖuí, kɛɛ nàmàǔn nììn gmaɔ̀ kɔ̃̀ ḿ mìɔùn nììn mɔ́ɔ́-ɖɛ̀ wuɖuí.

Sepóɛɖé ḿ dyuòɛ̀ dyí kà ɖɛ nɔ̀mɔ̀ dyíin ɖò se ɖé ḿ mú cĩ́ɛ. Ɔ mɔ̀ ɖé ḿ mìɔùn nììn mɔ́ɔ́-ɖɛ̀ mú. Ɖɛ nɔ̀mɔ̀ dyíin nyɛɛ nyu-tò nyu ḿ ní, kɛɛ ḿ seɛ nyuɛ ɓɛ́ìn.

Sepóɛɖé ḿ se nɔ̀mɔ̀ dyíin ɓɛ́ ḿ mɔ́ ɓɛ́ ḿ kéɔ́ kà nyuɛɛ nyu, kɛɛ ɖɛ mɔ̀ ɖɛ gbà, ɓɛ́ ḿ se mɔ́ ɓɛ́ ḿ kéɔ́ kà nyuɛɛ, ɖéɛ̀ ní nyu.

Kɛɛ ɔ jǔ ké ḿ dyi ɖɛ ḿ se mɔ́ ḿ kéɔ́ nyuɛɛ nyuín, nìí, nyɔ nìà nyuɛń nyɛɛ se ḿ ɖe, kɛɛ ɔ mɔ̀ nàmàǔn ɓɛ́ ɔ cĩ́à ɖé ḿ múɛ.

Ɔ jèɛɛ, ḿ dyé gma nìà kɛ. Ɔ mɔ̀, ɔ jǔ ké ḿ dyi ɖɛ nɔ̀mɔ̀ dyíin nyuɛ mɔ́ ní, nìí, ɖɛ gbà xwɛ̃́ìn ḿ bũ̌in. Sepóɛɖé ɖé ní hwòɖǒ-dyùàɔ̀ dyéɖéí vɛ̃in cáa, ní hwòɖǒ dèìn ɖé Gèɖèpɔ́ɔ̀ gmaɔ̀ múin

Ɔ jǔ ké ḿ dyi ɖɛ ḿ se mɔ́ ɓɛ́ ḿ ké nyuɛɛ nyuín, nìí, ɔ xwíníín mɔ̀, ḿ wɔ̃́ìn gbo kà ɓɛ́ gmaɔ̀ nɔ̀mɔ̀ dyíin nyɛ.