Popular Bible Verses from Wɛ́ɖɛ́ 18

Share

Bounɓoɔ̀ mɔ̀ ní dyí-gmɔ̀ìn-sɔ̀ɔ̌-kpò kè ní póìn-nyɔ̀, ké ɖé ɔ gbo mɔ̀ ní pèɖèìn-naín. Ɔ mɔ̀ ní Gèɖèpɔ́ɔ̀ mɔ̀ sɔ́ɔ́-kpò kɔ̃̀ ɖeín ɓɛ́ ḿ vǐè kɛ, ké ɔ mɔ̀ ní dyí-zĩ̀ìn-ɖɛ̀ kè ní gàa-zà-nyɔ̀ ɓɛ́ ɔ póìn ḿ wɛ̃. Ɔ mɔ̀ ní dyí-gmɔ̀ìn-pà.

Gèɖèpɔ́ɔ̀ kpeɖe sɛ́ɖɛ́ìn dyí, ké ɔ wuɖuɔ̀ se kɛɛ ɖò ɓéɖé. Ɔ mɔ̀ dyí-zĩ̀ìn-ɖɛ̀ ɓó nyɔ séín pèɖèìn ɖé ɔ gboɛɛ bìì.

Ti séín ɓɛ́ ḿ ɖá Bounɓoɔ̀ kɛɛ, ɔ póìn ḿ sɔ̀ìn ɖé ní mú-nyɛ́-nyɔ̀ ɓě xwaún. Ɓàìn-ɓàìn mɛ nì ɔ kɔ̃.

Ɖé ní fũ̀à-fṹá-tìɔ̀ múɛɛ, ḿ pòìn ma Bounɓo mɔ̀à Gèɖèpɔ́ɔ̀ kɛɛ kpéi. Ɔ nì ma ɖé ɔ gbǒɔ̀ mú, ké ɔ wɔ̃́ ma ní kpé-po-wùɖùɔ̀.

Bounɓo mɔ̀à ní Gèɖèpɔ́ɔ̀ kɛɛ nyí ḿ ce. Ɔ zà ɖé ḿ gǎà tíe-kpò mú.

Gèɖèpɔ́ɔ̀ mɔ̀ nyɔ nyí ḿ kpé, ké ɔ zà ḿ nàdǐ bũ̌in.

Bounɓoɔ̀ mɔ̀ nì-nì Gèɖèpɔ́ɔ̀. Ɓàìn-ɓàìn mɛ nì Bounɓo mɔ̀à ní dyí-gmɔ̀ìn-sɔ̀ɔ̌-kpòɔ̀ kɛɛ kɔ̃. Ní mu Gèɖèpɔ́ɔ̀ ɓɛ́ ɔ póàìn ḿ wɛ̃ɛ zùo poùn.