Popular Bible Verses from Wɛ́ɖɛ́ 19

Share

Bounɓo, mɔ̀ mɔ̀à ní dyí-gmɔ̀ìn-sɔ̀ɔ̌-kpò kè ní póìn-nyɔ̀ɛɛ, wuɖu ɓě ɓɛ́ ḿ zà wĩín nyɛ kè ɖɛ ɓě ɓɛ́ ḿ poìn hwìɖǐiɛɛ mɛ mɔ̀ ɖɛ ɓě ɓɛ́ wa dè m̀ hwìɖǐiɛ.

Gma ɓě ɓɛ́ Bounɓoɔ̀ dè nyɔǔn dyíɛɛ se kɛɛ ɖò ɓéɖé. Wa mɔ̀ nyɔ-kpéí-po-ɖɛ̀. Ɖɛ ɓě ɓɛ́ Bounɓoɔ̀ cɛ̃ nyɔ gbo ɓɛ́ nyɔ ké nyuɛɛ, wa mɔ̀ ɖɛ ɓě ɓɛ́ nyɔ ɓɛ́ìn hwòɖǒ kɔ̃ dèɛ̀ kɛ. Wa nyuɛ ké nyɔ ɓě ɓɛ́ wa se hwòɖǒ fɔ̀nɔ̀ɛɛ fɔ̀nɔ̀ hwòɖǒ.

Dyɔɔ̀ tɛ̀mɛ̀ìn Gèɖèpɔ́ɔ̀ dĩ́ín-dĩ̀ìnɔ̀ nyɔǔn-dyù dyí. Ké ɔ zaìn Gèɖèpɔ́ɔ̀ sɔ̃ɔ̀ mɛɛ-ɖɛ̀ ɓěɔ̀ jè kɔ̃in.

Gma ɓě ɓɛ́ Bounɓoɔ̀ dè nyɔǔn dyíɛɛ sɛ́ɖɛ́ìn dyí. Nyɔ ɓě kpɔ̃ wa dyiɛɛ, múà dyíìn wa múin. Ɖɛ ɓě ɓɛ́ Bounɓoɔ̀ cɛ̃ nyɔ gbo ɓɛ́ nyɔ ké nyuɛɛ mɔ̀ ɖɛ sɛ́ɖɛ́ìn dyí, ké wa mɔ̀ nyɔ-hwòɖǒ-fɔ̀nɔ̀ìn-ɖɛ̀.

Bounɓoɔ̀ dya-dè-dèɔ̀ nɔ̀mɔ̀ dyíin, ké kǎà ɔ mu nììn kánáá pū. Bounɓoɔ̀ dyi zaa wɔ̃ po ní, ɔ poɛ wɔ̃ dyí-sɛ́ɖɛ́ìn-kà kè jǎà-kà kánáá pū.