Popular Bible Verses from رۆما 3

Share

ژ بەر كو هەمیان گونە‍‌ھ كر و نەگەهشتنە مەزناهیا خودێ، لێ ئەوێن باوەریێ دئینن، ب كەرەما خودێ بێ بەرامبەر بێگونە‍‌ھ دهێنە هژمارتن، ب رێیا رزگاركرنا ب مەسیح عیسای هاتی.

ئەڤ راستداریا خودێ، یا ب رێكا باوەریئینانا ب عیسایێ مەسیح دهێت، بۆ وان هەمیانە یێن باوەریێ دئینن، چنكو چ جوداهی د ناڤبەرا مرۆڤان دا نینە.

خودێ ئەو وەكو كەفارەتەك ب خوینا وی پێشكێش كر، بۆ ئەوێن باوەریێ پێ بینن. وی ژ بۆ دیاركرنا راستداریا خۆ ئەڤە كر، چنكو وی ب بێهنفرەهیا خۆ چاڤپووشی ژ گونەهێن بوری كر. وی ژ بۆ دیاركرنا راستداریا خۆ د دەمێ نوكە دا ئەڤە كر، دا ئەو یێ دادپەروەر بیت و یێ باوەریێ ب عیسای بینیت بێگونە‍‌ھ دەربئێخیت.

چنكو ب ئەنجامدانا دەستووری چ كەس ل بەر خودێ راستدار دەرناكەڤن، ژ بەر كو ب دەستووری گونە‍‌ھ دهێتە نیاسین.

هەروەكو هاتیە نڤیسین: «كەسەكێ راستدار نینە، خۆ ئێك ژی. كەسەك نینە تێبگەهیت، كەسەك نینە قەستا خودێ بكەت. هەمی ڤاڕێ بوون، و پێكڤە بێوەج بوون. كەسەك نینە قەنجیێ بكەت، خۆ ئێك ژی نینە.

چنكو ئەم یێن گەهشتینە وێ پشتڕاستیێ كو مرۆڤ ب باوەریێ راستدار دەردكەڤیت، جودا ژ كریارێن دەستووری.

حاشا! خودێ یێ راستگۆیە، ئەگەر هەمی مرۆڤ ددرەوین بن ژی. هەروەكو هاتیە نڤیسین: «داكو تۆ د گۆتنێن خۆ دا راستدار دەركەڤی و د دادكرنێ دا تۆ ب سەر بكەڤی.»