Popular Bible Verses from رۆما 4

Share

ئەو ب بێباوەریێ ل سەر سۆزا خودێ دوودل نەبوو، لێ د باوەریێ دا بهێز كەفت و هۆسا مەزناهی دا خودێ. ئەو پشتڕاست بوو كو ئەوا خودێ سۆز پێ دای، دشێت ب ج‍‌ھ ژی بینیت.

هەروەكو هاتیە نڤیسین: «من تۆ یێ كریە بابێ گەلەك مللەتان.» ئەو بابێ مەیە ل بەرامبەر خودایێ ئیبراهیمی باوەر ژێ كری، ئەوێ مریان ڤەدژینیت و گازی تشتێن نەیی دكەت، دا هەبن.

ئەوێ ژ بەر گونەهێن مە رادەستی مرنێ هاتیە كرن و ژ بۆ بێگونە‍‌ھ دەرئێخستنا مە هاتیە راكرن.

ئەوی ل دەمێ كو هیڤی نەمابوو، ب هیڤیێ باوەر ژ خودێ كر، دا ببیتە «بابێ گەلەك مللەتان»، ل دویڤ ئەوا هاتیە گۆتن: «دویندەها تە دێ یا هۆسا بیت.»

ژ بەر ڤێ چەندێ سۆز گرێدای باوەریێیە، دا ل دویڤ كەرەمێ بیت و ژ بۆ هەمی دویندەها ئیبراهیمی یا مسۆگەر بیت. نە ب تنێ ژ بۆ وان یێن ل دویڤ دەستووری دچن، لێ ژ بۆ وان ژی یێن باوەریا وان وەكو باوەریا ئیبراهیمی، ئەوێ كو بابێ مە هەمیانە.

«خوزیكێن وان یێن ل سەرپێچیێن وان هاتیە بورین و گونەهێن وان هاتینە نخافتن. خوزیكێن وی مرۆڤی یێ خودان گونەهان ل سەر وی ناهژمێریت!»

ما نڤیسار چ دبێژیت؟ «ئیبراهیمی باوەر ژ خودێ كر، ئەڤە ژی بۆ وی وەكو راستداری هاتە هژمارتن.»