Popular Bible Verses from Colosenses 3

Share

Kwömöledöduwi ja̧tji̧ma öpöjödökönö kwo̧'wo̧ 'dibachibö kwö̧jaduwo, ja̧danö ökwödönö sulabenö ja̧tji̧ma, kwo̧'wo̧ 'dibachibö dameakwökönö ja̧nö, ja̧tji̧ omukwatökönö kwösödaduwodönö. Jau chömöledö, ökwödönö ösödö Duluwo̧ma ökwödö sulabenö ja̧di̧ söbebö loinobe, ja̧danö ökwödöbi kwömöledöduwinö ösödö, ökwödönö sulabenö ja̧tji̧ omukwatökönö kwösödaduwodönö.

Jwaikwöda mölejȩ jawada omukwatö kwö̧jaduwo, böjȩ jawa omukwatöma kwö̧jaduwoko chömöledö

Okobe jwiinö kwotidaduwi̧ma, otiwanö jwaikwöda kwotidaduwo, Biya̧ chotidi̧ma jojodö wetji̧maökö, Duluwo̧ wei̧da ja̧bö jo̧sa, jö̧ba̧lö.

Ökwödöma Dios ömöledöbedöja chömöledö, jo̧bama ökwödönö ösödö omudawö ujuninobe, iteda ömöledö bakibaduwanö. Jo̧kwajabetjö̧ wanedö yötawa: Lȩlö̧jinö edawabi, otiwanö pjabatö ja̧awabi, ju'wedönötjö o̧penönö jö̧kö̧sa jö̧ba̧lö omukwatakwawabi, dösölö̧jinö ja̧awabi, tjo̧'wo̧ 'dibachibö me'dawachibökönö ja̧awabi kamijido̧ 'dutjawi̧danö 'dukawaduwo chömöledö.

Chömöledö, Cristo jawa wene kwomajadeduwinö omukwatö kwö̧jaduwo, jo̧kwajabetjö̧ waisanö yökawakwawaduwo, ja̧danö waisanö kwöba̧ja̧dakwawaduwo kwömöledöduwikwö. Ja̧danö otiwanö pjabato̧ja jö̧ba̧lö, Diosnö ösödö lo̧köbaduwo, Salmos jawa lo̧awabi, Jesús jawa lo̧awabi, Dios O̧'wo̧ Luwo̧tjö öba̧ja̧di̧ lo̧awabi. Jau chömöledö, okobe jwiinö yöka̧laduwi̧ma, Duluwo̧ Jesús jawa i̧sebö yöka̧laduwo, ja̧danö okobe jwiinö ja̧köbaduwi̧ma, Duluwo̧ Jesús jawa i̧sebö ja̧köbaduwo. Ja̧danö, Jesús pjaatinobetjö̧, ba̧kwȩlö̧jatebö Dabe'do Diosnö kwösödaduwo, Otiwanö pjabato̧ja, jö̧ba̧lö.

Ja̧danö, wanedö yötawa: Ja̧ 'dukawaduwo jö̧ta̧laja̧ma, jeledo̧bi 'dukawaduwo chömöledö, wamesado̧ baibanö. Jau chömöledö, kamijido̧ 'dutjawi̧danö, kwömöledöduwinö ösödabikwawi̧bi 'dukawaduwo chömöledö, jeledo̧tjö wamesado̧ baibanö. Jau chömöledö, ja̧ dömöledönö ösödabikwawi̧ma, inesö mikwawi̧ma, ja̧danö okobe deinö bakobe tjödötewi̧danö ichejekwi̧.

Chömöledö, Cristokwö 'yakibajinaduwobe, jo̧kwajabetjö̧ mölejȩ jawa kwisakwaduwo. Jau chömöledö, Cristoma mölejȩbe Dios öwaisobekwöchobe bo̧, jo̧kwajabetjö̧ jo̧ba ö̧jobe jawada isakwö kwö̧jaduwo.

Ja̧danö, kwömöledöduwikwö wene jwiinö kwo̧'wo̧ luwo̧duwi ösöwachibanö kwö̧jaduwo chömöledö. Ja̧ kwo̧'wo̧ luwo̧duwi ösöwachibanö kwö̧jaduwi̧ma, Cristotjö ichi̧ chömöledö. Ja̧danö, kwömöledöduwi Cristonö ösödadökwö kwo̧'wo̧ luwo̧duwi ösöwachibanö kwö̧jaduwo jö̧ba̧lö, Diosma ökwödönö jwöinobe, Cristo iteba'o bakwa'o bakibaduwanö. Ja̧danö, Diosnö kwösödaduwo chömöledö, otiwanö pjabato̧ja jö̧ba̧lö.

Jo̧kwajabetjö̧, ajayinö kwösödinaduwa jawa kakatibaduwo chömöledö. Wanedö yötawa: Sulabenö kwösödaduwi̧bi, sulabenö ja̧köbaduwi̧bi kwabö loköbaduwo chömöledö. Jau chömöledö, kwi̧lȩkwa̧muböködökwö ja̧awabi, ja̧danö sulabenö alewakwawabi, ja̧danö sulabenö 'da̧'da̧akwawa kwösödaduwi̧bi, ja̧danö sulabe jawa kwösödaduwi̧bi, kakatibaduwo chömöledö. Ja̧danö ökwöda kwemotö jö̧ba̧lö ösödakwawabi kakatibaduwo chömöledö, ökwöda kwemotö jö̧ba̧lö ösödakwawama, o̧'wo̧ jawa ösödakwawi̧danö ichejekwobetjö̧.

böjȩtjö ida̧ökö woköbinaduwobetjö̧. Jau chömöledö, isabenö ja̧kwawa kwujuna̧laduwi̧ma, mölejȩ jawa ja̧kwawada, ja̧danö ja̧ ja̧kwawa kwujuna̧laduwi̧ma ina öwawokobe chömöledö. Wanedö yötawa: Ja̧ ja̧kwawa kwujuna̧laduwi̧ma, Cristoma Dioskwö ja̧nö tojö ujunobedanö ichejekwa, mölejȩbe kwichibaduwenanö kabatö.

Jau chömöledö, babema okobe jwiinö biya̧ jawa kakatibaduwobö jo̧be, dameakwawabi, labikwawabi, suli̧ waedö omukwatakwawabi. Ja̧danö, ju'wedönö sulabenö yöa̧lakwawabi, ja̧danö suli̧ jawa yötja̧loko jawa yöa̧lakwawabi kakatibaduwo.

Ja̧danö kwömöledöduwinöma omöna yöka̧lakwawaduwoko. Jau chömöledö, wanedö yötawa: Kamijido̧ yo̧tjekwi̧danö ökwödöma ida̧ökö sulabenö kwösödinaduwabi, sulabenö ösödö ja̧köbinaduwabi kabatibö yo̧kekwinaduwobe ichejekwa, ja̧danö balekwado̧ 'yabayo̧ o̧'wo̧ luwo̧ ökamijido̧ 'dukawinaduwobe ichejekwa. Jau chömöledö, jo̧ba 'yabayo̧ kwo̧'wo̧ luwo̧duwima, Dios otidinökwe, ja̧danö jo̧banö otidobe Diosma, Diosdanö ichejekwo̧ baibanö, otiwanö Diosnö kwöwaisaduwakobetjö̧.

Ökwödö ömadönö baikwö weta: Bakwo̧nökwena kwilekwoduwikwena ile nibebö kwö̧jaduwo, ja̧danö jobujunö sulabenöma ja̧köboko.

Ökwödö tjemunö baikwö weta: Kwabe'doduwi kwojo'doduwi wetji̧ma ba̧kwȩlö̧jatebö kwa̧ja̧kwaduwo, Duluwo̧ jejenö kwa̧ja̧kwaduwobö ösödobetjö̧.

Ökwödö ya̧dönö bakwujunökwena baikwö weta: Kwilekwe ömöayujudanö kwö̧jaduwo, jejenö Duluwo̧ Jesús ömöledö ya̧döma ja̧tjobö otiwa.