Popular Bible Verses from ABEEBUREEYI 13

Share

Mulemenga kuba ba mululu, bye mulina bibamalenga, kubanga Katonda yagamba nti: “Sirikuleka, era sirikwabulira n'akatono”.

Yesu Kristo nga bwe yali jjo, bw'ali ne leero, era bw'aliba emirembe n'emirembe.

Kyetuva twogera n'obwesige nti: “Mukama ye mubeezi wange, siityenga. Omuntu ayinza kunkola ki?”

Era temwerabiranga okukola obulungi n'okuyambagana. Ebyo bye bitambiro ebisanyusa Katonda.

Kale tuweeyo eri Katonda ekitambiro eky'okumutenda, nga tukiyisa mu Yesu, nga twatula erinnya lye n'emimwa gyaffe.

Okufumbiriganwa kussibwengamu abantu bonna ekitiibwa, era obufumbo bukuumibwenga nga butukuvu, kubanga abakaba n'abenzi, Katonda alibasalira omusango.

Temwerabiranga kwaniriza bagenyi, kubanga waliwo abaayaniriza bamalayika nga tebamanyi.

Kale Katonda ow'emirembe, eyazuukiza Mukama waffe Yesu, Omusumba w'endiga omukulu, olw'endagaano eteggwaawo, eyanywezebwa n'omusaayi gwe, abawe buli kirungi kyonna, mulyoke mukolenga by'ayagala, Katonda oyo akolere mu ffe by'asiima, ng'abiyisa mu Yesu Kristo, asaanidde okuweebwa ekitiibwa emirembe n'emirembe. Amiina.