Popular Bible Verses from ABEEBUREEYI 12

Share

Kale naffe nga bwe tulina abajulirwa abangi bwe batyo abatwetoolodde, tweyambule buli kintu ekituzitoowerera, era n'ekibi ekitwesibako. Twetabe mu mpaka ez'okudduka ezituteereddwawo, era tudduke nga tuli bagumiikiriza, nga tutunuulira Yesu yekka eyatandika era atuukiriza okukkiriza kwaffe. Yesu oyo, olw'essanyu lye yali alindirira, yagumira omusaalaba, n'atatya kuswala. Kaakano atudde ku ludda olwa ddyo olw'entebe ya Katonda.

Bwe tuba tukangavvulwa, mu kiseera ekyo okukangavvulwa kufaanana ng'okutaleeta ssanyu wabula obulumi. Naye oluvannyuma, abo abagunjulwa okukangavvulwa okwo, bafuna eddembe n'obutuukirivu.

Mufubenga okuba n'emirembe mu bantu bonna, era mufubenga okuba n'obutukuvu, kubanga we butali tewali aliraba Mukama.

Mulowoozenga ku kuwakanyizibwa okwenkana awo, aboonoonyi kwe baamuwakanyaamu, mulyoke mulemenga okukoowa n'okuterebuka.

Kale nga bwe tufuna obwakabaka obutanyeenyezebwa, twebazenga Katonda, era tumusinzenga nga bw'asiima, nga tumussaamu ekitiibwa era nga tumutya

Mugumiikirizenga okukangavvulwa, kubanga Katonda abakangavvula ng'abaana be. Kale mwana ki kitaawe gw'atakangavvula?

kubanga Katonda waffe, muliro, ayokya!

Bakitaffe abo baatukangavvuliranga ekiseera kitono olw'ebyo bye baayagalanga. Kyokka Katonda atukangavvula olw'okutugasa, tulyoke tugabane ku butukuvu bwe.

Mu kulwanyisa ekibi, temunnalwana kutuuka ku kuyiwa musaayi gwammwe.