Popular Bible Verses from Isa 40

Share

Nîavecanaga vinya kûrî arîa athiru vinya, nake ûrîa ûtarî na ûvoti nîamwongagîrîra vinya.

Wana andû arîa ethî nîmakaathira vinya na manoge, na andû arîa matarî akûrû nîmakaagwa nî kûnoga. Nwatî arîa metagîrîra Ngai-Mûnene nîmakoongererwa vinya wao, makaagûrûkaga îgûrû na mathagu ta nderi, makaavinyûra na matikaanoga, makaathiîcaga na magûrû na matikaathira vinya.

Anga mue mûtiîcî? Anga mûtirî egu? Ngai-Mûnene nîke Ngai ûrîa ûtûûraga tene na tene, nîke mûmbi wa indo cionthe cia nthî. Ke ndathiraga vinya kana anoga, ûmenyo wake ndûngîmenyeka nî mûndû.

Kûrî na mûndû ûranîrîra arî werûrî akiugaga atîrî, “Thondekani varavara ya Ngai-Mûnene! Rûngariani njîra ya Ngai wetû werûrî!

Nyaki nîyûmaga namo maûa makavova, nwatî kiugo Kîam Ngai wetû gîgaatûûra tene na tene.”

Naguo riiri wa Ngai-Mûnene nîûkonanua, nao andû onthe nîmakawona, nîûndû Ngai-Mûnene nîke ugîte ûguo.”

Cianda cionthe nîigeecûrua, na irîma cionthe na tûrîma tûvaraganue. Nakuo kûrîa gûtarî kûrûngarû kûrûngarue, na kûrîa gûtarî kwaraganu kwaraganue.

Akaarîthia ndîthia yake ta mûrîthi, agaacokanîrîria tûgondu na njara ciake, na atûkuue atuigîrîrîte kîthûrirî gîake, na atongorerie ng'ondu irîa irongithia wa kavora.

Taroriani îgûrû mwone! Nû waûmbire indo icio cionthe? Nî ûrîa ûitongoragia ta athigari ake a mbaara, nîaicî cionthe ûrîa ciîgana, aciîtaga cionthe na marîîtwa ma cio. Gûtirî wanarî kîndû kîmwe kîthagîrwa gîtarî vo, nîûndû Ngai-Mûnene arî vinya nyîngî.

Nthî yaûmbirwe nî ûcio wîkaragîra gîtî gîake Kîam ûnene îgûrû maturî, na kûrî ke andû arîa matûûraga nthî nîta mvandi. Ke atambûrûkîtie matu ta gîtambaa, na agakûnjûra gîtambaa kîu ta îgema rîa gûtûûrwa.

Arîriani andû a Jerusalemu na ûvoreri. Na mûmeere atî ûkomborî ûrîa mararî nîwathira, na mevia mao nîmoverwa. Na atî Ngai-Mûnene amaverithîtie kwîgana nîûndû wa mevia mao monthe.”

Kûrî na mûgambo waugire atîrî, “Anîrîra!” Nanie ngîûria atîrî, “Manîrîre ndûî?” “Anîrîra atî: Andû onthe mekariî ta nyaki, ûthaka wao wîkariî ta maûa marî mûgûndarî. Nyaki nîyûmaga namo maûa makavova, rîrîa rûkûngi rwa Ngai-Mûnene rwavurutana îgûrû rîamo; nama, andû mekariî ta nyaki.

Taroria Mwathani Ngai-Mûnene nîaûkîte na vinya, vinya wake nîguo ûrathana, nîaûka na andû arîa avonoketie na iveo cia andû ake.

Ngai wenyu arauga atîrî, “Ûmîrîriani andû akwa, thiîni mûkamaûmîrîrie!

Nû wanathima manjî ma îria na rûvî rwake kana akathima matu na njara ciake? Nû ûngîvota gwîkîra mûthetu wa nthî gîkomberî, kana athime irîma na tûrîma na kîthimi? Nû ûngîvota kwonereria Roho wa Ngai-Mûnene ûrîa agwîka, kana kûmûtaara ûrîa angîka? Ngai aavoire ûrîkû kîrîra nîguo ataûkîrwe, na nû wamûthomithirie njîra ya kîvooto? Nû wamûthomithirie ûmenyo, na akîmwonia njîra ya gûtaûkîrwa?