Popular Bible Verses from Isa 41

Share

Tiga gwîtigîra, nîûndû nîrî vamwe nawe, ndûkegue guoya, nîûndû nînie Ngai waku! Nîngaakwongerera vinya na ngûtethie, nîngaagûtirîrîra na njara yakwa ya ûthingu.

Nîûndû nie Ngai-Mûnene Ngai waku, nîngûnyitaga njara yaku ya ûrîo, na ngakwîra atî: ‘Tiga gwîtigîra, nîngûgûtethia.’ ”

“Taroria, arîa onthe maakûrakarîre nîmagaaconoka na maconorithue. Arîa magianaga nawe magaatuîka kîndû vatarî na nîmagaakua.

We ûrîa naakûretire kuuma mîthiia ya nthî; naagwîtire kuuma kûrî ituri ciayo irîa irî kûraca mûno, ngîkwîra atî: ‘We ûrî ndungata yakwa, nîngûthuurîte na ndigûteete.’

Ûgaacaria acio magianaga nawe, nwatî ndûkamoona, arîa marûaga nawe magaatuîka kîndû vatarî.

Ngai-Mûnene arauga atîrî, “We Jakovu, kagunyû gaka, tiga gwîtigîra, mue andû a Isiraeli, nîngaamûtethia, nie nînie mûvonokia wenyu Ûrîa Mûtheru wa Isiraeli.

“Nwatî we, Isiraeli ndungata yakwa, we Jakovu ûrîa nie nthurîte, we rûciaro rwa Iburahimu mûrata wakwa.

Nîngaatûma nyûnjî itherûke kuuma irîmarî irîa itarî kîndû, na ithima cia manjî itherûke kûu Kîamndarî, nîngaatûma kûu werûrî kûgîe maria ma manjî, nakuo nthî nyûmû ndûme kûgîe na ithima cia manjî.

“Rîrîa athîni na avatari maracaria manjî matakûmona, na rîrîa mîmero yao îrî mîng'arûku nî kûnyonda, nînie Ngai-Mûnene ngaamacokeria, nie Ngai wa Isiraeli ndikaamatiganîria.

Nû watûmire maûndû mau monthe mekîke? Nû wavangire ûrîa maûndû marûmanagîrîra kuuma Kîammbîrîria? Nie Ngai-Mûnene, naarî kuo kuuma Kîammbîrîria, na nînie ngethîrwa kuo nginya kîrîkîro.

Nîngaavanda mîtarakwe kûu werûrî, mîgaa, mîandathi na mîtamaiyû, na mvande mîvondo mîcindanûgû na mîkarakava vamwe, nîguo andû mone na mamenye, mecirie na mataûkîrwe vamwe, atî Ngai-Mûnene nîke wîkîte ûguo. Ûrîa Mûtheru wa Isiraeli nîke wîkîte ûndû ûyû.”