Popular Bible Verses from ALOMI 3

Share

nũndũ onthe nĩmeekie naĩ, na maivikĩaa ũtaĩo wa Ngai; nĩ kũtalĩlwa ũlũngalu mana nĩ mumo wake kwondũ wa wovosyo ũla wĩ nthĩnĩ wa Klĩsto Yesũ

naw’o nĩ ũlũngalu wa Ngai ũla wosawa ũndũ wa kũĩkĩĩa Yesũ Klĩsto kwa onthe ala metĩkĩlaa; nũndũ kũi kĩvathũkan’yo

ũla Ngai wambie ũmwia ethĩwe nthembo ya wĩw’anĩthyo, kwondũ wa mũĩkĩĩo nthakamenĩ yake, kwonan’ya ũlũngalu wake nũndũ wa kũkĩla naĩ ila syeekiwe tene, nũndũ wa wũmĩĩsyo wa Ngai; kwa kwonan’ya ũlũngalu wake ĩvinda yĩĩ: nĩ kana ethĩwe mũlũngalu we mwene, na ĩngĩ ethĩwe mũnengani wa ũlũngalu kwa ũla ũmwĩtĩkĩlaa Yesũ.

nũndũ kwondũ wa meko ma ĩla mĩao vai mũndũ ũkatalĩlwa ũlũngalu mbee wake; nũndũ ũmanyi wa naĩ wũkaa kwondũ wa ĩla mĩao.

o tondũ kũandĩkĩtwe, Kũi mũlũngalu, aiee, o na ũmwe; Kũi ũla wĩ na ũmanyi, Kũĩ ũla ũmũmanthaa Ngai; Onthe nĩmathũkĩte ũtee, matw’ĩkĩte mataĩle vamwe; Kũi ũla wĩkaa nesa, aiee, o na ũmwe

Nĩtũkwona ĩndĩ kana mũndũ atalĩlwa ũlũngalu kwondũ wa kũĩkĩĩa vate meko ma ĩla mĩao.

Aiee, kũikethĩwe ũu: nĩkũmanyĩke Ngai nĩ wa w’o, ĩndĩ kĩla mũndũ nĩ mũkengani; o tondũ kũandĩkĩtwe, Kana we ũtonye kwĩthĩwa mũlũngalu ndetonĩ syaku, Na ũtonye ũkĩlya yĩla wĩlika silanĩ.