Popular Bible Verses from ALOMI 4

Share

aisyaĩĩsya ũla watho wa Ngai, ndaaya nzĩka kwa kũlea kwitĩkĩla, ĩndĩ ongeleelwa vinya nĩ mũĩkĩĩo wake, aimũnenga Ngai ndaĩa, na nĩwamanyĩthĩtw’e vyũ, kana ũla wathaniwe nĩ Ngai nũtonya kũwĩka.

(o tondũ kũandĩkĩtwe, Nakũtw’a we ĩthe wa mbaĩ mbingĩ) mbee wake ũla Avalaamu wamwĩtĩkĩlile, nake nĩ Ngai, ũla ũthayũũkasya akw’ũ, na ĩngĩ awetaa syĩndũ ite kw’o, ta syĩ kw’o.

ũla wanenganiwe kwondũ wa mavĩtyo maitũ, na athayũũkw’a nĩ kana tũtalĩlwe ũlũngalu.

Ũla weyĩtũkĩte wĩkwatyo nĩwetĩkĩlile na wĩkwatyo, nĩ kana atw’ĩke ĩthe wa mbaĩ mbingĩ, kwĩanana na ũndũ ũla waneenĩwe, Ũsyao waku ũkeethĩwa o ta ũu.

Kwondũ wa ũu nĩ wa kũĩkĩĩa, nĩ kana ũtonye kwĩthĩwa wa mumo; nĩ kana ũla watho wĩthĩwe mũlũmu ũsyaonĩ w’onthe; ti kwa ala me na ĩla mĩao oka, ĩndĩ naw’o kwa ala me na mũĩkĩĩo wa Avalaamu, nake nĩ ĩthe wa ithyonthe

aiasya, Nĩ aathime ala maekeawa mothũkũ moo, Na ala naĩ syoo ivw’ĩkĩtwe. Nĩ mũathime mũndũ ũtatalĩlawa naĩ nĩ Mwĩaĩi.

Nũndũ maandĩko measya ata? Na Avalaamu nĩwetĩkĩlile Ngai, na kwatalilwe kwake kwĩthĩwa ũlũngalu.