ALOMI 3
3
Ngananĩo ĩkĩsũanĩwa
1Mũyuti ĩndĩ akĩlanĩtye kyau? Kana kũuna kwa nzaĩko nĩ kwaũ? 2#Alo 9.4; Kũt 4.7,8; Sav 147.19,20; 103.7; 1 Vet 4.11.Yĩ vata mũno na nzĩa syonthe: mbee nĩ kũĩkĩĩĩka na ndeto ila syaneeniwe nĩ Ngai. 3#Alo 9.6; 11.29; 2 Tim 2.13.Nata ĩndĩ o na ethĩwa amwe matyaĩ na mũĩkĩĩo? Kũlea kwĩtĩkĩla kwoo kũkatw’ĩkĩthya kĩthito kya Ngai ta kĩte na ũtonyi? 4#Sav 116.11; 51.4.Aiee, kũikethĩwe ũu: nĩkũmanyĩke Ngai nĩ wa w’o, ĩndĩ kĩla mũndũ nĩ mũkengani; o tondũ kũandĩkĩtwe,
Kana we ũtonye kwĩthĩwa mũlũngalu ndetonĩ syaku,
Na ũtonye ũkĩlya yĩla wĩlika silanĩ.
5Ĩndĩ ethĩwa ũte ũlũngalu witũ nĩwonanasya ũlũngalu wa Ngai, twĩasya ata? Ngai nĩ ũla ũte mũlũngalu ũla ũsilĩlaa na ũthatu? (Nĩngũneena ũndũ andũ maneenaa.) 6Aiee, kũikethĩwe ũu: nũndũ ethĩwa nĩ ũu Ngai akatonya ata kũmĩsilĩla nthĩ? 7Ĩndĩ ethĩwa ũla w’o wa Ngai nĩwingĩvaa kũvikĩa kũtaĩwa kwake kwondũ wa ũvũngũ wakwa, nĩkĩ ngũsilĩlwa ta nĩ mwathe? 8#Alo 6.1,2.Na nĩkĩ tũikwasya, Twike naĩ nĩ kana ũseo wũke? (O tondũ tũsukawa, na tondũ amwe malũlũmĩlasya kwasya kana tũneenaa ũu,) ũsilĩlo woo kwĩthĩwa nĩ avĩtan’ya nĩ wa katĩ.
Andũ onthe nĩ avĩtan’ya
9 #
Alo 1.18—2.24. Nĩkĩ ĩndĩ? Twĩ aseo kũvĩta ala angĩ? Aiee, o na vanini: nũndũ nĩtwambie kwonan’ya kana Ayuti na Akiliki onthe me ungu wa naĩ; 10#Sav 14.1–3; 53.2–4.o tondũ kũandĩkĩtwe,
Kũi mũlũngalu, aiee, o na ũmwe;
11Kũi ũla wĩ na ũmanyi,
Kũĩ ũla ũmũmanthaa Ngai;
12Onthe nĩmathũkĩte ũtee, matw’ĩkĩte mataĩle vamwe;
Kũi ũla wĩkaa nesa, aiee, o na ũmwe:
13Mĩmeo yoo nĩ mbũa mbingũe;
Nĩmaneenie ũkengani na nĩmĩ syoo:
#
Sav 5.9; 140.3. Ũoi wa syĩko wĩ ilomonĩ syoo:
14 #
Sav 10.7. Makanyw’a moo nĩmausũĩte kĩumo na ũũ:
15 #
Isa 59.7,8. Maũũ moo me mĩtũkĩ kwĩtĩkya nthakame;
16Wanangĩko na ũnyamao me moendelonĩ moo;
17Na nzĩa ya mũuo matyaamĩmanya:
18 #
Sav 36.1. Kũmũkĩa Ngai kũi methonĩ moo.
19 #
Alo 2.12; Aka 3.22. Na nĩtwĩsĩ maũndũ o na meva ala maneenawa nĩ ĩla mĩao, ĩmatavasya ala me mĩaonĩ; nĩ kana kĩla kanyw’a ũtumw’e, na nthĩ yonthe ĩetwe ũsilĩloni wa Ngai: 20#Sav 143.2; Alo 7.7; Aka 2.16.nũndũ kwondũ wa meko ma ĩla mĩao vai mũndũ ũkatalĩlwa ũlũngalu mbee wake; nũndũ ũmanyi wa naĩ wũkaa kwondũ wa ĩla mĩao.
Kũtalĩlwa ũlũngalu kwondũ wa kũĩkĩĩa Yesũ
21 #
Meko 10.43; Alo 1.17. Ĩndĩ yu ũlũngalu wa Ngai nĩwumĩlĩtw’e vate mĩao, naw’o ũkũsĩĩwe nĩ ĩla mĩao na athani; 22naw’o nĩ ũlũngalu wa Ngai ũla wosawa ũndũ wa kũĩkĩĩa Yesũ Klĩsto kwa onthe ala metĩkĩlaa; nũndũ kũi kĩvathũkan’yo; 23#Alo 3.9,19; 5.12.nũndũ onthe nĩmeekie naĩ, na maivikĩaa ũtaĩo wa Ngai; 24#Alo 5.1; Aev 2.8.nĩ kũtalĩlwa ũlũngalu mana nĩ mumo wake kwondũ wa wovosyo ũla wĩ nthĩnĩ wa Klĩsto Yesũ: 25#Ali 16.12–15; Aev 4.16; Aev 1.7.ũla Ngai wambie ũmwia ethĩwe nthembo ya wĩw’anĩthyo, kwondũ wa mũĩkĩĩo nthakamenĩ yake, kwonan’ya ũlũngalu wake nũndũ wa kũkĩla naĩ ila syeekiwe tene, nũndũ wa wũmĩĩsyo wa Ngai; 26kwa kwonan’ya ũlũngalu wake ĩvinda yĩĩ: nĩ kana ethĩwe mũlũngalu we mwene, na ĩngĩ ethĩwe mũnengani wa ũlũngalu kwa ũla ũmwĩtĩkĩlaa Yesũ. 27#1 Ako 1.29,31.Kwĩkathĩĩa kũĩva ĩndĩ? Nĩ kũvingĩe nza. Kwondũ wa mwĩao wa mũthemba mwaũ? Wa meko? Aiee: ĩndĩ nũndũ wa mwĩao wa mũĩkĩĩo. 28#Aka 2.16.Nĩtũkwona ĩndĩ kana mũndũ atalĩlwa ũlũngalu kwondũ wa kũĩkĩĩa vate meko ma ĩla mĩao. 29#Alo 10.12.Kana Ngai nĩ Ngai wa Ayuti oka? Ti Ngai wa Andũ‐ma‐mbaĩ‐ingĩ nao? Ĩĩ, nĩ wa Andũ‐ma‐mbaĩ‐ingĩ nao: 30#Alo 4.11,12.ethĩwa nĩ w’o Ngai nĩ ũmwe, na akamatalĩla ũlũngalu ala ma nzaĩko kwondũ wa kũĩkĩĩa, na ala mate ma nzaĩko kwondũ wa ũla mũĩkĩĩo.
31 #
Alo 4.3; 8.4; Mt 5.17. Na ĩndĩ nĩtũkũtw’ĩkĩthya ĩla mĩao ta ĩte na ũtonyĩ kwondũ wa mũĩkĩĩo? Aiee, kũikethĩwe ũu: aiee, nĩtũũlũlũmĩlya ĩla miao.
Currently Selected:
ALOMI 3: Mbivlia
Highlight
Copy
Compare
Share
Want to have your highlights saved across all your devices? Sign up or sign in
https://shop.biblesociety-kenya.org/
www.biblesociety-kenya.org
God's word open for all
©Bible Society of Kenya, 1956
