Popular Bible Verses from रोमियो 3

Share

होर सभीए पाप कितेया होर परमेसरा री महिमा रे ले दूर हुई गये। पर परमेसरे आपणे अनुग्रह रे ज्रीए आस्सा जो आपणी नजरा मन्झ धर्मी माह्णुं बणा, होर तिन्हें आस्सा जो मसीह यीसू रे ज्रीए आस्सा रे पापा री सजा ले मुफ्ता मन्झ अजाद कितेया।

मतलब जेबे आस्से यीसू मसीह पर विस्वास करहे ता परमेसर आस्सो आपणी नजरा मन्झ धर्मी माह्णुं बणा। होर ये यीसू मसीह पर विस्वास करणे वाले सभी लोका रे कठे ई। क्यूंकि परमेसर सभी लोका साउगी एक साहीं बर्ताव करहा।

परमेसरे मसीह यीसू जो आस्सा रे पापा रे प्रायस्चित रे कठे भेजेया, होर तिन्हें आपणा खून बहाई किन्हें आपणी जान देई दिति ताकि मसीह यीसू पर विस्वास करणे रे ज्रीए आस्से परमेसरा वाले आये। होर परमेसरे ये इधी कठे कितेया ताकि से एस गल्ला जो जाहिर करी सके कि पैह्ल्के जमाने मन्झ से पापी लोका साउगी सबर रखणे मन्झ होर तिन्हारे पाप माफ करणे मन्झ धार्मिक थे। पर एस टैम परमेसरा री धार्मिकता जाहिर हुन्दी लगिरी कि जेस ले से आपु ई धर्मी ठैहरे, होर जो यीसू पर विस्वास करहे, तिन्हो भी आपणी नजरा मन्झ धर्मी माह्णुं बणाए।

क्यूंकि मूसा री व्यवस्था जो मनणे रे ज्रीए कोई भी माह्णुं परमेसरा री नजरा मन्झ धर्मी माह्णुं नी बणी सकदा, इधी कठे कि व्यवस्था आस्सो दसी कि आस्से पापी ऐं।

जिहां पवित्र सास्त्रा मन्झ लिखिरा, “परमेसरा री नजरा मन्झ कोई धर्मी माह्णुं नी आ, एक भी धर्मी माह्णुं नी आ। कोई माह्णुं समझ्दार नी आ, होर कोई भी माह्णुं परमेसरा जो जाणना नी चाहन्दा। सब माह्णुं परमेसरा ले दूर हुई गईरे, सभी रे सभ निकम्मे हुई गईरे, कोई भी खरे काम करणे वाल़ा नी आ, एक भी नी आ।”

इधी कठे ये गल साफ ई कि परमेसर हर एक माह्णुं जो मूसा री व्यवस्था जो मनणे रे कठे नी पर यीसू मसीह पर विस्वास करणे रे ज्रीए आपणी नजरा मन्झ धर्मी माह्णुं बणा।

नी, कधी नी! सिर्फ परमेसर ई हमेसा आपणे वादे रे प्रति पर सच्चा आ, पर हर एक माह्णुं झूठा आ, जिहां पवित्र सास्त्रा मन्झ परमेसरा रे बारे मन्झ लिखिरा, “ताकि तू आपणी सभ गल्ला मन्झ सच्चा निकले, होर जेबे न्याय हूंणा तेबे तू जीती जाये।”