Popular Bible Verses from रोमियो 4

Share

होर तिन्हें आपणे विस्वासा री वजहा ले परमेसरा रे वादा पर सक नी कितेया, पर विस्वासा मन्झ मजबूत हुई किन्हें परमेसरा री महिमा किती। होर पक्का जाणा था कि, जेस गल्ला रा वादा जो परमेसरे कितिरा था, से तेस जो पूरा करणे रे कठे सामर्थी आ।

जिहां पवित्र सास्त्रा मन्झ लिखिरा कि, “मैं तू बौह्त जातिया रा बापदादे नियुक्त कितिरा।” अब्राहम परमेसरा री नजरा मन्झ आस्सा रा बापदादा आ, जिन्हें परमेसरा पर विस्वास कितेया कि से मरिरे या जो जिउंदा करहा, होर तिन्हा चीजा जो, जो बिलकुल नी हाई; तिन्हा चीजा जो हुक्म देआ कि स्यों हुई जाओ।

मसीह यीसू आस्सा रे पापा रे कठे पकड़वाया होर मारेया गया, होर परमेसरे से दबारा जिउंदा भी कितेया, ताकि आस्से परमेसरा री नजरा मन्झ धर्मी माह्णुं बणी सके।

परमेसरे अब्राहमा किन्हें वादा कितेया कि, “तेस कई जातिया रा बापदादे हूंणां।” हलांकि सारी गल्ला ये जाहिर करी थी कि से कई लोका रा बापदादे नी बणी सकदा, फेरी भी तिन्हें दुआसी मन्झ आस रखी किन्हें विस्वास करदा रैहया।

एस वजहा ले वादा परमेसरा पर विस्वास करणे ले मिल्हा ई, जो अनुग्रहा रे मताबक हो। ये वादा अब्राहमा रे सभी बंसा जो मिली सका, ना कि सिर्फ तिन्हारे कठे जो लोक व्यवस्था जो मन्ने, पर तिन्हा लोका रे कठे भी आ, जो अब्राहमा साहीं परमेसरा पर विस्वास करहा ऐं; क्यूंकि अब्राहम ई आस्सा सभी विस्वासी लोका रा बापदादा आ।

जिहां जे पवित्र सास्त्रा मन्झ लिखिरा, “धन्य ऐं स्यों, जिन्हारे अधर्मा माफ हुए, होर जिन्हारे पाप भुलाई दिते। धन्य आ से माह्णुं जेसरे पाप परमेसर नी गिणदा।”

क्यूंकि पवित्र सास्त्रा मन्झ लिखिरा कि “अब्राहमे परमेसरा रे वादे पर विस्वास कितेया, इधी कठे परमेसरे से आपणी नजरा मन्झ धर्मी माह्णुं बणाया।”