Popular Bible Verses from यशायाह 40

Share

वो थके होया नै बल देवै सै अर कमजोर नै घणी ताकत देवै सै।

तरूण तो थक जावै सै अर उननै आराम की जरूरत होवै सै, अर जवान ठोक्‍कर खाकै गिर जावै सै; पर जो यहोवा की मदद खात्तर बाट देक्खै सै, वे नया बल पान्दे जावैंगे, वे उकाबां की तरियां उड़ैंगे, वे दौड़ैंगे अर उननै आराम की जरूरत न्ही होवैगी, वे चाल्‍लैगें अर थकैंगे न्ही।

के थम न्ही जाणदे? के थमनै न्ही सुण्या? यहोवा जो सनातन परमेसवर अर धरती भर का सृजनहार सै, वो ना थकदा, ना आराम की जरूरत सै, उसकी बुद्धि अगम सै।

किसे की पुकार सुणाई देवै सै, “जंगळ म्ह यहोवा का राह सुधारो, म्हारे परमेसवर कै खात्तर अराबा म्ह एक राजमार्ग चौरस करो।

घास तो सूख जावै, अर फूल मुरझा जावै सै; पर म्हारे परमेसवर का वचन सदा अटल रहवैगा।

फेर यहोवा का तेज प्रगट होवैगा अर सारे प्राणी उस ताहीं एक साथ देखैगें; क्यूँके यहोवा नै खुद ए इसा कह्या सै।”

हर एक तराई भर दी जावै अर हर एक पहाड़ अर पहाड़ी गिरा दी जावै; जो टेढ़ा सै वो सीध्धा अर जो ऊँच्‍चा नीच्‍चा सै वो चौरस करया जावै।

परमेसवर पाळीयाँ की तरियां अपणे झुण्ड नै चरावैगा, वो भेड्डां के बच्‍चयां नै गोद म्ह लिए रहवैगा अर दूध पिलाण आळियाँ नै सहज-सहज ले चाल्‍लैगा।

अपणी आँख उप्पर ठाकै आसमान ताहीं देक्खो, किसनै इन ताहीं बणाया? वो इन गणां नै गिण-गिणकै लिकाड़ै सै, उन सब नै नाम ले-लेकै बुलावै सै? वो इसा ताकतवर अर भोत ताकतवर सै के उन म्ह तै कोए बिना आए न्ही रहन्दा।

यो वो सै जो धरती के घेरे कै उप्पर अकासमण्डल पै विराजमान सै; अर धरती के रहण आळे टिड्डी की तरियां सै; जो अकास नै मलमल की तरियां फैलावै अर इसा ताण देवै सै जिसा रहण कै खात्तर तम्बू ताण्या जावै सै

यरुशलेम तै शान्ति की बात कहो; अर उसतै पुकारकै कहो के तेरी मुश्किल सेवा पूरी होई सै, तेरे अधर्म की सजा कबूल कर ली गई सै: यहोवा के हाथ तै तू अपणे सारे पाप की दुगणी सजा पा चुक्या सै।

बोलण आळे का वचन सुणाई दिया, “प्रचार कर!” मन्‍नै कह्या, “मै के प्रचार करुँ?” सारे प्राणी घास सैं, उनकी शोभा मैदान के फूल की तरियां सै। जिब यहोवा की साँस उसपै चाल्‍लै सै, फेर घास सूख जावै सै, अर फूल मुरझा जावै सै; बेसक प्रजा घास सै।

देक्खो, प्रभु यहोवा ताकत दिखान्दा होया आण लागरया सै, वो अपणे भुजबल तै राज करैगा; देक्खो, जो मजदूरी देण की सै वो उसके धोरै सै अर जो बदला देण का सै वो उसके हाथ म्ह सै।

यशायाह नै फेर भविष्यवाणी करी, “म्हारा परमेसवर न्यू कहवै सै, मेरी प्रजा नै शान्ति द्यो, शान्ति द्यो!”

किसनै महासागर ताहीं चुळु तै माप्या अर किसके फित्ते तै अकास का नाप होया, किसनै धरती की माट्टी ताहीं नपुए म्ह भरया अर पहाड़ां ताहीं तराजू म्ह अर पहाड़ियाँ ताहीं काण्डे म्ह तोल्या सै? किसनै यहोवा की आत्मा ताहीं राह बताया या उसका सलाहकार होकै उस ताहीं ज्ञान सिखाया सै? उसनै किसपै तै सलाह ली अर किसनै उस ताहीं समझाकै न्याय का रास्ता बता दिया अर ज्ञान सिखाकै बुद्धि का राह बता दिया सै?