Popular Bible Verses from यशायाह 41

Share

मत डरै, क्यूँके मै तेरै गैल सूं, आस्सै-पास्सै ना देक्खै, क्यूँके मै तेरा परमेसवर सूं; मै तेरे ताहीं मजबूत करुँगा अर तेरी मदद करुँगा, अपणे धर्ममय सोळे हाथ तै मै तेरे ताहीं सम्भाळे रहूँगा।

क्यूँके मै तेरा परमेसवर यहोवा, तेरा दाहिना हाथ पकड़कै कहूँगा, “मत डर, मै तेरी मदद करुँगा।”

देख, जो तेरे खिलाफ सैं, वे सब शर्मसार होवैंगे; जो तेरै तै झगड़ै सैं उनके मुँह काळे होवैंगे अर वे नाश होकै मिट जावैंगे।

तू जिस ताहीं मन्‍नै धरती के दूर-दूर देशां तै लिया अर धरती की छोर तै बुलाकै न्यू कह्या, “तू मेरा दास सै, मन्‍नै तेरे ताहीं चुण्या सै अर छोड्या न्ही;”

जो तेरै तै लड़ै सैं उननै ढूँढ़ण पै भी तू न्ही पावैगा; जो तेरै तै युद्ध करै सैं वे नाश होकै मिट जावैंगे।

यहोवा न्यू कहवै सै, “हे कीड़े के बराबर याकूब, हे इस्राएल के माणसों, ना डरो! यहोवा की या वाणी सै, मै तेरी मदद करुँगा; इस्राएल का पवित्र परमेसवर तेरा छुड़ाण आळा सै।”

हे मेरे दास इस्राएल, हे मेरे चुणे होए याकूब, हे मेरे दोस्त अब्राहम के वंश

मै सूखे टील्यां तै भी नदियाँ अर मैदान्‍नां कै बीच म्ह चोवें बहाऊँगा; मै जंगळ ताहीं ताल अर निर्जल देश नै चोए ए चोए कर देऊँगा।

जिब दीन अर गरीब माणस पाणी ढूँढ़ण पै भी ना पावै अर उनका ताळवा प्यास के मारे सूख जावै; मै यहोवा उनकी बिनती सुणूँगा, मै इस्राएल का परमेसवर उननै न्ही छोड़ूँगा।

किसनै यो काम करया सै अर शरुआत तै पीढ़ियाँ नै बुलान्दा आया सै? मै यहोवा, जो सबतै पैहला, अर आखरी के बखत रहूँगा; मै वोए सूं।

मै जंगळ म्ह देवदार, किक्‍कर, मेंहदी, अर जैतून उगाऊँगा; मै अराबा म्ह सनोवर, चिनार दरखत, अर चीड़ के दरखत कठ्ठे लगाऊँगा; जिसतै सारे माणस देखकै जाण लें, अर सोचकै पूरी तरियां तै समझलै के यो यहोवा के हाथ का करया होया अर इस्राएल के पवित्र परमेसवर का सिरज्या होया सै।