Popular Bible Verses from Mbete Efezeri 5

Share

Kaŋ mí í ndɔl Ŋgerzah kandɔk gun sanari ké ndɔl bah woyri. Í si siŋ sina ɓil law sana kandɔk siŋ sina ké Ŋgermbay sa na keni. Ke poŋ mun ye hi̧ hul ɓay tul wah ɓa fe puhna ké rih law Ŋgerzah ɓa suki.

Kaŋaw mí í ko wuri ger ɓay siŋ sina woiri. Siŋ sina-u ɓá na ɓa siŋ sina kɔkɔri ya. Wara le ɓá na ɓa siŋ sina ru̧na Ŋgerzah ɓa siŋ sina ké nda ka̧w ke zaŋu ɓay fe le, sew tukala-ay mgbɔr mbamba.

Í hi̧ yim ɓá ta wuri ya. Ɓeɓna na ke tá yim. Wara le í hi̧ Tempuki mí ɓá ya̧ mun woiri gbam ɓa nzukri ké mberem ké haŋsekle woiri ɓa siŋ-dim Ŋgerzah ke siŋ pirna ke siŋ a ɓoruri ké Tem hi̧ wuri i ɗi, ɓa nzukri ké law woiri ŋgu̧hru siŋu hi̧ Gaŋ tul feri riw. Í hi̧ Tempuki mí ɓá ya̧ mun woiri gbam ɓa nzukri ké el ke tumbɔl nam ke nam hi̧ baah Ŋgerzah ɓay tul feri gbam ke riŋ ɗina Gaŋ wah Ŋgermbay Zezu.

Sa̧w ɓayu mí í hi̧ kerɓay woiri ɓá na ɓa kɔk kerɓay ya. Wara le í hi̧ ɓay ké Gaŋ tul feri riw yih mí ɓá guh law woiri.

Wo̧rori le, kú sa wu̧y woyri kandɔk Ŋgermbay ké sa wu̧y ye, ku ɓa sa̧w in ye. Ke poŋ mun ye hi̧ hul ɓay tul wu̧y ye hi̧ law wu̧y ye pu mah nun ye, ké-e teh law ye ke mbih-ya̧ hani ké-e soh ni keni, ke ɓah nzak ye ya̧ ni keni.

Lewsa̧, law woiri sih ɓa tirima. Aŋay ké i ƴo ke Gaŋ tul feri riw ba, gel tehna teh law woiri da. Mí í si siŋ sina gun gel tehnari

Í hi̧ Tempuki mí ɓá ya̧ mun woiri gbam ɓa nzukri ké hȩk haniri ke hȩkna ké i hȩk keni Ŋgermbay.

Wu̧yri le, kú hȩk wah woyri kandɔk kú-u hȩk Gaŋ tul feri riw ɓay fe le, tul wu̧ynzuk ɓa wah ye kandɔk tul sa̧w in Ŋgermbay ɓa a ye. Ŋgermbay mí ɓa nzuk-ya̧ niri, a woyri ku ɓa mun ye.

Keni-aw kara a ge ge le ɓá sa wu̧y ye eŋ mun ye kaŋ. Wu̧ynzuk le ké hȩk wah ye ke nun hȩkna.

Sa̧w ɓay ké Ŋgerzah ɓah ɓil mbete ye ɓahri se, wo̧ronzuk ɓay poŋ bah ye ke mah ye. Ku yá̧ hani ke wu̧y ye. Seɗe mbɔk woyri ku ɓa nzuk ké mbew .

Í mgba bɔh sina ziŋ nzukri ké si sina ɓil fe laɓna tirimari ya. Lehna tirima ɓa kɔk lehna. Wara le siŋ sina woiri ɓá zar siŋ sina tirima woyri ma