Popular Bible Verses from Mbete Efezeri 6

Share

ɓay fe le, nah ruh ŋgermu ziŋ nzuk pirmatul ya. Wara le nah ruh ziŋ záh mbayri ke záh-lak mbayri ke záh a ŋgeruri ké tukala. Nah ruh ziŋ záh law a pipiri-uri ké ƴo ruh ŋgermu ké nunmbam, gbamaw mí nah ƴo ruh ziŋ niri-aw.

Ɓay ra i ziŋ ké nzak Tempuki ke seh ké i ƴo ɓah ɓay ziŋ Ŋgerzah ke sam goŋnari ɓoɗ ɓoɗ ɓil sa̧wsehri gbam. Í ƴo tul bɔk ke seh-u-aw ɓay ƴo law Ŋgerzah ke sam goŋnari ɓoɗ ɓoɗ tul sa̧w nzuk yeri.

Í ndoh fe rem Ŋgerzah riw ɓa gar ndohna woiri ɓay í ɓer gi̧w ɓa kpuh-u ɓay ndaw mbay záh tukala ké-e lek ɓay ndih nzukri keni

Sa̧wu mí í fa̧h fe rem Ŋgerzah riw ku̧ mun woiri ɓay hi̧ í ƴo ke ŋgerna-ƴo ɓa kpuh-u ké pol nzukbaari ke nam a a̧y ké záhri ƴo ndoh kerɓay a pipiri-uri ɓil law nzukri. Kandɔk ké i ndih niri ke ŋgerna Gaŋ tul feri riw ra i ƴo ɓa kpuh-u.

Ŋgaŋ ké i mbi wuri ke fe remri-aw gbam ɓa law mbew woiri ke Ŋgerzah le, i rím keni sam hɔrɔri gbam ké záh law a pipiri-u ndoh goh yeri keni ku̧ tul woiri. Í guɓ tul woiri ke guɓatul Ŋgerzah ké ɓa sa̧w-ya̧ wuri, í ya̧ mahwu̧y Tempuki ké ɓa ɓay ké Ŋgerzah ɓaŋ ndoh ɓil law woiri.

Kaŋ dale í ƴo ɓa kpuh-u kandɔk ké i ŋga̧h si̧h woiri ke sal ké ɓa ketina, kandɔk ké i ndoh ŋgaŋ-pɔr haŋ woiri ké ɓa sal in ké ŋga̧h wuri ziŋ Ŋgerzah ɓa záh woiri, kandɔk ké i ndoh ɓaysuki hul Ŋgermbay ké gi ke ɗeŋ ɓa sabɔk ké bɔk woiri.

Tɔr ɓay a ɓoruri mí-i ɓah-ay. Í hi̧ ŋgerna Gaŋ tul feri riw ɓá na ɓa ŋgerna ké fal woiri, huhrumun ye ɓá na ɓa ŋgerna ké ndɔk woiri.

Mú hȩk bah wo ke mah wo, ɓa bolkusol a titilu ké Ŋgerzah wahɓay keni ɓay hi̧ mú kaɓ ɓa suki. Nam wo ɓay ŋgi̧ ké tusiɓa .

Gunri le, kú lah nzak nzuk-mbuŋ niri, ɓayu ké láh nzak woyri ƴo gelu ke ketina Ŋgerzah.