Popular Bible Verses from Mbete Efezeri 4

Share

Í ti̧h suk hi̧ haniri, í ker seh haniri, í hi̧ law woiri sel kandɔk ké Ŋgerzah hi̧ law ye sel ké tul woiri ké i ƴo ke Ŋgermbay.

Pór nzuk a suŋ suŋ gbam ke kusol a voh-u ɓa fe ké ƴo fal siŋ sina sa̧w nzuk yeri. Su̧hlaw ɓa fe ké ƴo fal iklaw tul haniri ɓil law sana.

Kɔk ɓay a suŋ suŋ gbam ɓá ti̧h ke nzak woiri ya. Wara le ɓay a a̧yri ké ti̧h suk mí í ɓah le, nzukri ké lah ɓay ké i ɓah ra law woyri ɓá ziŋ ŋgerna.

Sam suyari riw, í lu ké mun woiri ku̧ kpah kandɔk law a zuŋu, tí̧h wo̧ro, háŋ fa̧hna, ɓáh ke kusol a ŋgeru, ɓéɓ riŋ nzuk, gbamaw í lu ma fal.

Law woiri fa̧h wuri le, í laɓ keni suya ya, seh ɓá riŋ tulu ya. Dale í poŋ mahful hi̧ mbay záh tukala ɓá laɓ ɓay kan tul woiri ya.

I tih ke Ŋgermbay, i firma-lur sa̧w mbuŋna woiri a tusiɓa ma fal kandɔk ta̧w gar kú-u lu kaŋ. I firma-lur sa̧w fe laɓna a lewsa̧-aw ké i si keni sina. Sa̧w mbuŋna woiri a lewsa̧-aw ɓa fe a puŋu ké puŋna-u si ke fe rɔkna ɗaka feri. Mí i firma hi̧ Tempuki sɔɓ kerɓay woiri ɓa foyu, mí i ndoh sa̧w woiri a foyu ra ɓa gar ndohna woiri ké i ndoh ke ketina sal in ké Ŋgerzah ŋga̧h ziŋ sa̧w ye ɓa záh woyri, ke ketina law a teh-u pi, sa̧w woiri ɓa nzuk pirmatul ké mah ke nzuk pirmatul ké Ŋgerzah laɓ.

Kandɔk ké Tempuki hi̧ ku ƴo ke hani ɓa mbew, ku ta mun woyri ɓay kɔr ƴona woyri mbew kaŋ pi. Ku ŋga̧h law woyri ɓa kpuh-u kparaŋ kparaŋ ke sal ké ɓa ɗeŋ ké Ŋgermbay hi̧.

A ye mí ke hi̧ nzukri pihna ɓoɗ ɓoɗ. Ke hi̧ nzuk a haniri ti̧h ɓa gun nzak pihna Ŋgermbay, a ɓoruri ti̧h ɓa gun nzak pihna Ŋgerzah, a ɓoruri ti̧h ɓa nzuk-ka-kah ɓaysuki lák mbay ye. Nzuk a ɓoruri ɓa nzuk-kɔr sami, a ɓoruri ɓa nzuk-firma nzukri ɓay Ŋgerzah. Ke hi̧ niri pihnari-aw ɓay kú so sa̧w nzuk Ŋgerzah mbaŋ woyri hi̧ ndɔk sa̧w Ŋgerzah tu pihna ké ɓay hi̧ mun Ŋgermbay ɓá hu̧h gaŋ ɓa vul kani Ŋgerzah. Ku ƴo laɓ pihna-aw hi̧ nzukri gbam ké kan law tul Ŋgermbay kpu̧ru ka̧h kú-u ƴo ke hani ɓa nzuk mbew ké si ke law mbew Ŋgermbay, ké si ke tuna kú-u tu gun Ŋgerzah kpu̧ru ka̧h kú-u ŋger ɓa nzuk pirmatul ké mun woyri leh ke mun Ŋgermbay ké ya̧ mun woyri ɔh gbam.

Le náh na wuri ɓa gunri mba. Gunri ƴo hi̧ sam fe firma a suŋ suŋ kɔklɔ niri kandɔk kuna ke mbih ké kɔklɔ kumbon ma gini ma sa̧. Fe firma nzuk pirmatulri-awri ƴo rah nzukri ke kerlaw woyri kú-u lek ɓay hi̧ nzukri ɓá vbol. Mí nah si siŋ sina a ketina ɓil law sana dale, nah hú̧h ké ɓil feri gbam eŋ Ŋgermbay a ye ké ɓa tul.