Popular Bible Verses from Romanfoɛ 3

Share

Ofikyɛ mmenia mukoraa bayɔ bɔne, na Nyameɛ animnyam abɔ bɛ. Nyameɛ nate ye adom bɔ ɔfa kyɛ mbaen ne aso obua bɛ be wɔ Kristo Yesu nu ngoalelɛ ne anu.

Nyameɛ nate sona gyidie bɔ ɔwɔ Yesu Kristo nu so yeɛ ɔfa siesie ye ne kuro sona afia ɔ, ɔnate kyɛ Nyameɛ nyɛ nyeyemuɛ.

Ye yeɛ Nyameɛ afa ye wasie berɛ kyɛ mbata nikye bɔ ɔnate ye mogya nu gyidie so, bɔ wafa wahyire ye tenenee kyɛ bɔne bɔ bayɔ ye daa ne, wakyikyi wafi berɛ wɔ Nyameɛ aboterɛ nu; na ɔfa kyire wɔ sɔ mmerɛ ye anu kyɛ, ye bɔbɔ ɔte tenenee, na ebiala bɔ ode Yesu di ne, obua ye be.

Yiti bengogyina mmeraa nnwumaa so bengobua sona biala be wɔ Nyameɛ nyunu, ofikyɛ mmeraa ne de, ɔma sona nwu ye bɔne.

Kyɛbɔ bahyerɛ kyɛ, “Sona biala nne berɛ bɔ ɔte teneneeniɛ ɔ, ko po nne berɛ; sona biala nne berɛ bɔ ole ndeaseɛ ɔ. Ebiala nne berɛ bɔ ɔpena Nyameɛ si atee ɔ. Bɛ mukoraa bali makyebu; bɛ nu biala nwo olle mvasoɛ, ebiala nne berɛ bɔ ɔyɔ paa ɔ, ko po nne berɛ.

Yiti bɔ yɛse ole kyɛ Nyameɛ nate gyidie so yeɛ ɔyɛ bɔnefoɛ teneneeniɛ ɔ, na nna kyɛ mmeraa ne bɔ odi so ti ɔ.

Dabida! Ɔwɔ nu kyɛ kuro sona biala te ngondomboniɛ de, nakoso Nyameɛ de ɔtte sɔ, odi nahorɛ, kyɛbɔ bahyerɛ kyɛ, “Kyɛbɔ bekonwu kyɛ wɔ noa dwirɛ te nahorɛ, na sɛ bebua wɔ ndɛen a, ali be ɔ.”