Popular Bible Verses from Romanfoɛ 4

Share

Wanzu aporowaa wamma ye adwene anyɛ ye naa wɔ Nyameɛ bɔhyɛ ne anwo, na mmom ogyinane pindinn wɔ gyidie nu ɔhyɛle Nyameɛ animnyam. Na ole lili paa kyɛ Nyameɛ kɔhora kɔma ye anohoba bɔ wabɔ ye ne kɔwa nu.

kyɛbɔ bahyerɛ kyɛ, “Mafa wɔ mayɛ amaenmaen pee bɛ nana.” Yiti Nyameɛ bɔ Abraham lele ye lili ne, ye bɔ otingye awufoɛ fi ewue nu, ná ɔfa ye noa dwirɛ ma nikyee bɔ ɔnne berɛ kora yɛ berɛ ne, ye nyunu de, Abraham te yɛ nana.

ye bɔ ɔnate yɛ bɔne ti behuni ye, ná ɔnate yɛ bebualɛ ti betingyele ye ɔ.

Ye bɔ mmerɛ bɔ anyelasoɛ nne berɛ ne, ogyinane anyelasoɛ so ole lili, amaa ɔnate so wayɛ amaenmaen pee bɛ nana, kyɛbɔ Nyameɛ hã hyirele ye kyɛ, “Sɔ yeɛ wɔ bosofoɛ bɛkɔyɛ ɔ.”

Yiti bɔhyɛ ne gyi gyidie so, amaa ɔnate so bɔhyɛ ne wagyina adom so, ná watindim berɛ wama ye bosofoɛ amukoraa. Bɔhyɛ ne ɔtte bɛ bɔ bedi mmeraa ne aso ngome bɛ deɛ, na mmom ɔte ebiala bɔ wanya gyidie kyɛbɔ Abraham nyane ye ne koso deɛ; ofikyɛ ɔte yɛ mukoraa yɛ nana

“Bɛ bɔ Nyameɛ afa b’amumuyɛɛ wahyɛ bɛ, ná wakata bɛ bɔne so ne, banya saleɛ. Sona bɔ Awurade ngɔfa ye bɔne nwo ngondaa ngogua ye so ne, wanya saleɛ.”

Na sɛɛ yeɛ Ahyerɛlɛ ne ɔkã ɔ? “Abraham lele Nyameɛ lili, na obuli ye gyidie ne kyɛ tenenee mane ye.”