Popular Bible Verses from Romanfoɛ 2

Share

Yiti sɛ ɛyɔ sɔ nningyein nemɔ, na sɛ ebua bɛ bɔ bɛyɔ bie ne ndɛen a, aso esusu kyɛ Nyameɛ ndɛenbualɛ ne kɔpa wɔ ti? Aso ɛmva Nyameɛ paayɛlɛ mmorosoɛ ne ye aboterɛ pee ne nyɛ hwee hɔ ɔ? Ɛnze kyɛ Nyameɛ paayɛlɛ ne ɔboka wɔ maa ɛsakyera w’adwene hɔ ɔ?

Yiti kuro sona, wɔ ole nwa bɔ ebua ebiɛngo ndɛen ɔ? Sɛ ebua ebiɛngo ndɛen a, né ebua wɔ bɔbɔ wɔ nwo ndɛen. Ofikyɛ wɔ bɔ ebua sɔ ndɛen ne, wɔ koso ɛyɔ sɔ yɔleɛ ne bie.

Ofikyɛ Nyameɛ nnea sona nyunu mmua ndɛen.

Ofikyɛ nna bɛ bɔ bɛse mmeraa ne yeɛ bɛte teneneefoɛ wɔ Nyameɛ nyunu ɔ, na mmom bɛ bɔ bedi mmeraa ne aso yeɛ bekobua bɛ be ɔ.

Ofikyɛ Nyameɛ kotua sona biala nikyee bɔ wayɔ ɔ nwo kerɛ.

Yiti Nyameɛ kɔfɛ bɛ bɔ bɛte pɛsɛmangomenya ná bɛyɛ nahorɛ ne nwo asoserɛ, ná afei bedi bɔne si ne aso yaa piri paa, ná wamaa banwu amaneɛ.

Ɛnze kyɛ ɛyɔ asoserɛ na epini w’ahone a, né ɛboaboa Nyameɛ yaa piri paa noa ma wɔ nwo wɔ ɛyaafɛlɛ piri kyẽa bɔ Nyameɛ baabua ye tenenee ndɛen ne ɔ?