Popular Bible Verses from 1 Pedro 2

Share

Peru qamkunam sïqa kaykäyanki Dios Yaya akranqan runakuna, payta serviq sacerdötikuna, kuyanqan santa nación runakuna y paypa poderninchö kaykaq runankuna. Tutapäpukushqanö kayanqaykipitam aktsiman jipiyäshushkanki kuyakuq kanqanta pïmaytapis willakuyänaykipaq.

Jesucristo cruzchö ñakarmi noqantsik rayku jutsantsikpita wañurqan. Tsaynö wañurqan noqantsikpis jutsa ruraypaq wañur Dios Yaya munanqannö kawanapaqmi. Yawarninta jicharmi kutikätsimashkantsik. Ñawpataqa oqrakashqa üshanömi karqantsik. Peru kananmi sïqa Jesucristupana kantsik. Paymi mitsimaqnintsik y alli cuidamaqnintsik.

Ñawpataqa manam Diospa wamrantsu kayarqayki. Peru kananmi sïqa wamranna kaykäyanki. Ñawpataqa manam llakipäyäshurqaykitsu. Peru kananmi sïqa llakipäyäshushkankina.

Llullu wamra mamanpa chuchunta ayrajar ashinqannö qamkunapis Dios Yayapa palabranta yachakuyay. Tsaynöpam wamra wiñar tantiyakunqannö Dios Yaya munanqannö kawayänaykipaq tantiyakuyanki. Tsaypaqmi Dios Yaya salvayäshushkanki.

Kuyashqa wawqikuna y panikuna, kay patsachö juklä runanö kayaptikim rugayaq mana alli yarpaynikikunata mana rurayänaykipaq. Tsay yarpaynikikunaqa contraykikunam kaykan. Jesucristuman mana creyikuqkunawan shumaq kawakuyay. Alli kawakuyanqaykita rikarmi contraykikuna kanan parlaykarpis Jesucristo kutimunqan junaqqa Dios Yayata alabayanqa.

Qamkunapis ruminö kayaptikim Dios Yaya churaykäyäshunki templun kayänaykipaq y payta serviq santu sacerdötikuna kayänaykipaq. Tsaymi altarman churashqa sacrificiunö kar llapan shonquykikunawan payta serviyänayki. Jesucristo rayku serviyanqaykim Dios Yaya munanqannö kanqa.

Jesucristupa willakuyninta chaskishqana kaykarqa mana alli ruraykunata dëjayay. Ama llullakuyaytsu, ama allish tukuq kayaytsu, ama chikinakuyaytsu, ni washarima kayaytsu.

Jesucristuta runakuna manakaqtanö rikäyaptinpis cimientupaq maestru ruminö kananpaqmi Dios Yaya churashqa. Tsaynö kaykaptinqa Jesucristuman confiakuyay.

Munayanqaykinö kawayänaykipaq librim kaykäyanki. Librina karpis jutsata ama rurayankitsu, sinöqa Dios Yayata servirnin pay munanqannölla kawakuyanki.

Dios Yayaqa allita rurar kawayänaykitam munan. Tsaynö kawayaptikiqa Diosta mana cäsuq runakuna qamkunapaq contraykikuna imatapis manam parlayanqanatsu.