Popular Bible Verses from 1 Pedro 3

Share

Tsaypa rantinqa Jesucristo mandashuqniki kanqanta tantiyar pay munanqannö kawayanki. Tsaynölla Jesucristuman imanir creyikuyanqaykita pipis tapuyäshuptiki shumaq tantiyatsiyänaykipaq listu kayanki. Peru respëtuykikunawan y alli shimillaykikunapa tantiyatsiyanki. Tsaynölla runa majikikunawanpis shumaq kawakuyanki. Tsaynö kawayanqaykita rikarmi contraykikuna parlaqkunapis penqakuyanqa.

Alli ruraqkunatam Dios Yaya imaypis cuidan. Mañakuyanqantam wiyan. Peru mana alli ruraqkunatam sïqa rikaytapis munantsu>>.

Kuyakuypaq kayanqaykiqa manam tukuyläyaman ñaqtsakuyanqaykitsu, qoripita adornukunata churakuyanqaykitsu ni alli kaq llatapakunata shukukuyanqaykitsu. Tsaykunaqa janaykikunallatam shumaqyätsin. Tsaypa rantinqa qollmi shonqu kayanqayki y pïmaywanpis alli kawakuyanqaykim kuyakuypaq kaykan. Tsaynö kawakuyanqaykim Dios Yayapaqqa mas alli.

Diospa palabranchömi nin: <<Alli kawayta munarqa y kushishqa kawayta munarqa mana allikunata ama parlayaynatsu. Tsaynölla imaypis ama llullakuyaytsu. Mana allikunata rurayanqaykipa rantin alli kaqkunallatana rurayay. Piñakuyanqaykipa rantin pïmaywanpis alli kawakuyay.

Llapayki juk shonqulla llakipänakur y juk castanölla kuyanakur pïmaywanpis shumaq kawakuyay. Pipis mana allita rurayäshuptiki ama mana alliwanqa kutitsiyankitsu. Ashayäshuptikipis ama ashayankitsu. Bendicionta chaskiyänaykipaq Dios Yaya akrayäshunqaykita musyaykarqa chikiyäshuqnikikunapis bendicionta chaskiyänanpaq Dios Yayata mañakuyanki.

Allillata ruraykäyaptikiqa ¿piraq sufritsiyäshunkiman?

Mana allikunata rurayanqaykipa rantin alli kaqkunallatana rurayay. Piñakuyanqaykipa rantin pïmaywanpis alli kawakuyay.

Mana allita rurayanqaykipita sufriyanqaykipa rantin mas allim kanman Dios Yaya munaptinqa allita rurayanqaykipita sufriyaptiki.