Popular Bible Verses from ROM 14

Share

namar ka hima ka jong U Blei kam long keiñ kaba bam bad kaba dih; hynrei, ka hok, bad ka jingïasuk, bad ka jingkmen ha U Mynsiem Bakhuid. Namar uta uba shakri ïa U Khrist ha kine kiei kiei ruh, u long uba la pynsngewbha eh ïa U Blei bad ba la pdiang hun da ki briew.

Namar la ngi ïoh im te, ngi im keiñ ha U Trai; lane la ngi ïap ruh, ngi ïap keiñ ha U Trai; namar kata te, la ngi im ne la ngi ïap ruh, ngi long ki jong U Trai.

Naba kumta te, ïa, ngin ïabeh brai ïa kita kiei kiei ruh ki jong kata ka jingïasuk, bad ïa kita kiei kiei ruh da kiba ngin ïatei paralok hi.

Namar kata, wat ai ba ngin bishar shuh paralok hi; hynrei, phin kham kut bishar ïa kane, ïa ka ban ym buh ïa ka jingjynthut ïa la u parabangeit, lane ïa ka daw ban kyllon.

Namar la thoh: “Katba nga im,” ong U Trai, “ka khohsiew baroh kan dem khrup ha nga, bad u thylliej baroh un phla ha U Blei.” Naba kumta te uwei pa uwei na ngi un ai jingkheiñ shaphang ïa lade hi ha U Blei.

Te phin shim lok ha lade ïa uta uba long tlot ha la ka jingngeit, hynrei, ym sha ka ban ïasaid pynrem ïa ki jingmut kyndiah jong u.

Te ma me, me long uei, ba me bishar ïa u shakri jong uwei pat? Ha la U Kynrad hi keiñ u ïeng, ne u kyllon. Hynrei, yn pynïeng ïa u keiñ; namar U Blei u long uba lah eh ban pynïeng skhem ïa u.