Popular Bible Verses from ROM 13

Share

Hynrei, to kup phi ïa U Jisu Khrist uba U Trai, bad wat sumar sukher lypa ïa ka jong ka doh, khnang ïa ka ban pynbrai ïa ki jingkwah bymman jong ka.

Phi wat kit ram ei ei nano nano ruh, hynrei, tang ïa ka ban ïa-ieit paralok hi; namar uta uba ieit ïa uwei pat, u la pyndep keiñ ïa ka hukum.

To ai ba ka mynsiem baroh kan pynhapoh ïa lade ha ki bor kiba ha khlieh. Namar ym don kano kano ruh ka bor lymda na U Blei; te kita ki bor kiba don, la buh beit ïa ki da U Blei keiñ.

Ka miet katta ka la nang dier noh shibun, te ka sngi ka la jan; namar kata, to ngin ïabred noh ïa kita ki jingleh jong ka jingdum; bad to ngin ïakieng noh ïa ki atiar ka jingshai.

Ka jingieit kam ju trei ïa ka basniew ha la u paramarjan: ka jingieit, namar kata, ka long ka jingpyndep ïa ka hukum.

To ai noh ha ki briew baroh ïa ka hok jong ki; ka khajna ha uba ïoh ka khajna; ka khrong ha uta uba ïoh ïa ka khrong; ka jingsheptieng ha uba dei ban ïoh ka jingsheptieng; ka burom ha uba dei ban ïoh burom.