Popular Bible Verses from 1 Ian 4

Share

Kóli ame sam lačhé ke javír manušá i ame na darása ni konéstyr, pal-dová so pherdý patýv vytradela dar, a kon daréla, kodová sýrby užakiréla kára. A kodová, kon daréla, dre léste nane pherdý patýv.

Bijatale (čhavoré)! Tumé san Devléskire i pirizorjakirde len, pal-dová so Dúho (Fáno), Savó dživéla dre tuménde, isyn zoraledýr duhóstyr, savó isyn dro svéto.

Ame sam lačhé jekh ke jekh, pal-dová so Devléske angledýr jaciám dróga ame.

Dróga miré! Javása ame te das patýv jekh jekhéske, pal-dová so pšalýtko patýv isyn Devléstyr i kažno (sváko), kon isyn lačhó ke javír, isyn Devléskiro čhavó i džinéla Devlés.

Odová, kon isyn nálačho ke javír manúš, na džinéla Devlés, pal-dová so Devél isyn pšalýtko patýv.

Ake, dro so pšalýtko patýv isyn: davá nane, so aménge jaciá drógo Devél, a davá isyn, so Léske jaciám dróga ame i Jov bičhadiá Péskire Čhavés te stradynel (te pirilydžal pharipén) ke meribén pal amaré gréhi.

Dróga miré! Kóli Devléske jaciám dróga ame, tedy aménge adiáke-pac' trej te das patýv jekh jekhéske.

Devléskiri láska ke ame sys sykady dro dová, so Devél bičhadiá dro svéto Léskire Jekhore Čhavés, sob (kaj) ame te doresas (te dolas) viéčno džiibén pir Léste.

Kóli vari-kon phenéla: “Mánge isyn drógo Devél”, a kokoró nane lačhó ke péskiro pšal, odová isyn xohaibnari; pal-dová so kon nane lačhó ke péskiro pšal, savés jov dykhciá, na moginéla te del patýv Devléske, Saves jov na dykhciá?

Kon priĥaljola, so Isúso isyn Devléskiro Čhavó, kodová manúš dživéla dro jekhipén Devlésa, i Devél isyn dro jekhipén lésa.

I davá isyn dasavo priphenybén, savó aménde isyn Xristosostyr, so odová manúš, konéske drógo isyn Devél, isyn bangó (musinela) adiáke-pac' te javél lačhó ke péskiro pšal.

Dróga miré! Na patián kažnoné duhoske, a sprobinen (propatiakiren) dúhi, ci Devléstyr isyn jone, pal-dová so but xohané proróki javéna dro svéto. Tumé udžinena Devléskiro dúho (fáno) adiáke: kažno dúho (fáno), savó priĥaljola Isusós Xristosós, so Jov javdiá dro manušýtko loč (plot'), isyn Devléstyr

a kažno dúho (fáno), savó na priĥaljola Isusós Xristosós, so Jov javdiá dro manušýtko loč, nane Devléstyr, davá isyn antihristoskiro dúho (fáno), pal savéste tumé šundlé, so jov javéla i kakaná Jov uže isyn dro svéto.