Popular Bible Verses from 1 Ian 3

Share

Bijatale, javása te das patýv na lavésa ci čibása, a rendosa (dielosa) i čačipnása.

Ame udžinasa pšalýtko patýv dro davá, so Xristóso otdyjá Péskiro džiibén pal aménde; i ame sam bangé te otdas péskiro džiibén pal pšalénde.

Dykhén! Saví bari rádyma dyjá aménge Dad, sob (kaj) te kharén amen Devléskire čhavorenca. Paldavá svéto na džinéla tumen, pal-dová so na priĥalyja Les.

Kodová, kon keréla gréhi, isyn nalačhestyr, pal-dová so nálačho kerdiá gréhi anglypnástyr. Vaš davá i javdiá Devléskiro Čhavó, sob (kaj) te pharavel nalačheskire butiá.

Kažno manúš, savó jaciá Devléskire čhavésa, na keréla butýr gréhi, pal-dová so Devléskiri ziárka isyn dre Léste, i jov na moginéla te kerél gréhi, pal-dová so Devél jaciá léskire Dadésa.

A kóli vari-konéste isyn saró, so trej vaš džiibén dro davá svéto, a jov dykhéla, so léskire pšaléske trej vari-so vaš džiibén i jov začhakirela péskiro iló léstyr, tedy saví ža isyn Devléskiri láska dre Léste?

I kon rakhéla Léskire priphenybená, odová dživéla dro jekhipén Lésa, i Devél isyn dro jekhipén Lésa. I dová, so Devél dživéla dro jekhipén Lésa, ame udžinasa pir Dúho (Fáno), Savó Jov dyjá aménge.

Ĥáda, syr Devléskire čhavé i nalačheskire čhavé isyn biciale: kažno (sváko), kon keréla na pir čačipén, odová nane Devléstyr i adiáke-pac', syr kodová, kon na keréla patýv péskire pšaléske.

Paldavá dasaví isyn mavlýn (malva), saví ame šundiám anglypnástyr, sob (kaj) ame te das patýv jekh jekhéske

Na divinen, pšála miré, kóli manušá svetóstyr javéna te bidykhen (te nienavidinen) tumen.