Popular Bible Verses from 1 Ian 5

Share

I ĥáda, isyn muršypen, savó isyn aménde dre Devléste, so kóli ame mangasa vari-so pir Léskiri vólia, Jov šunéla amen.

I kóli ame džinása, so Jov šunéla amen, pal so ame mangasa, ame džinása i dová, so Jov kandéla amaró mangipén, kiéli ame mangdiam Les.

I amarí patýv i iló ke Devél isyn kadasavé; sob (kaj) ame te rakhas Léskiro priphenybén. I Léskire priphenybená isyn naphare. Pal-dová so kažno manúš, kon isyn Devléskiro čhavó, pirizorjakirela svéto. I ame pirizorjakirasa davá svéto amaré patiaibnása.

Konéste isyn Čhavó, kodoleste isyn davá džiibén; konéste nane Devléskire Čhavés, kodoleste nane džiibén.

Dalé čačipená me čhindjom tuménge, kon patiála dro Devléskire-Čhavéskiro lav, sob (kaj) tumé te džinén, so tuménde isyn viéčno džiibén.

Ame džinása, so kažno manúš, kon isyn Devléskiro čhavó, na keréla gréhi, ne kon isyn Devléskiro čhavó, kodová rakhéla pes, i nálačho na čilavéla les.