Popular Bible Verses from HIBRU 4

Share

A leo i God aia a kinau mauri, u kilukilu, u hoko haburu, u sileti na bue na vuro hinea u hoko dalidali. U keli lavi na domi mana tarabehi savia lalahia vaki lo tovutovu na hui lolona. Hokinia u sio utuutuhi na hokehoke na mauriana na varamana tina mauriana noi God lo tangaloi. Aia hoki na bue na vuro hinea u soro lai vaki lo hokehoke na hui, lalahia vaki lo tovutovu lolona. A leo i God u tagakwahe lavi na domidomi savia nona tangaloi, mana kinau savia hinea a tangaloi u lengaia lolo domina.

Vae huri hi, ta hatu mataku, a domida ne huira kwara tana vanamai koro na nako i God, hinea mo toko hago maikita kina nona domi tabetabe lakua. Aia ne hakavikita, vae lo taro bakotoki hinea a noda rongoana hati eia, ne hago maikita kina nona domi tabetabe lakua.

A noda Hugwe na Tangaloi Lingilingi aia hete tangaloi hinea lolona a noda huirana tikei he hakavikita tea. Aia a hahakavina eia, huri a kinau savia hinea rau vai rongohikita rau vai rongohia ba, vae aia u dolua tikita luna hika vohoki, he vai na hatiki tea.

A kinau tikei vohoki kwara ne hili lai tina mata i God. A kinau savia i God mo taura, vae rau tu ngalangalakinira koro na nakona. Vunu i kita vunu tana viti matangwasaraki na noda tokaana koro na nakona.

A hauhuriana hinea tau matangwasarakinia kwara tau hauhuri luna, vae tana kwiribibia ne madi. Kareaki, a noda Hugwe na Tangaloi* Lingilingi lakua eia, aia hi i Jisas i Natu i God, hinea u soro ba vaki lolo taetae, u hugu koro na nako i God.

Vae huri hi tana huira kwara tana lai lavi na mabuana hi. He karea tea kwara te katukwale tikita ne huri na tanoi-garuga hinea tuai, hinea rahe rongohuri God tea, vae nehe lai lavi na mabuana te hi mai God.