Popular Bible Verses from HIBRU 5

Share

Vae a hinaka madi, a kaga hinea rau ngwarasea ba, hinea rau vaivai rongo tuai, vae hika rau vai lai kwara rana taga kwaheki na kinau hinea rau karea tiura hinea rau hati.

Tulu rongo na leo i God tuai mo vano tarisaki na hika, vae u taritarisa hika kwara tulu ne huhui na tangaloi kinia, vae tulu he kikilai te radu. I kamu tulu lengaia kwara a tangaloi ne huhuikamu taliku kina gwataki na leo vano hi. Aia hokinia kwara tulu mule taliku, tulu he kani lavi na hinaka madi tea, tulu kanikani ti raretahimiu kehekeheki. Aira hinea rau kanikani ti retahiga aira a natu radu nga, vae rahe vai lai tea kwara rana kikilai na huhuiana huri na bakotoana.

Venaha diko aia i Natu i God, vae lalahi na nona rongoana hati lo tarabehina, mo huhui na hala na rongorongohuri. Vae huri na kinau hi i God mo vaia mo mulemai kina tangaloi bakotoki na vakahiki tangaloi, aia u vakahiki lavi na tangaloi savira hinea rau rongohuria, vae ne kwiribibira vaki tuai.

I Kraes, lo nona tokaana hike lo varamana mo tiutangaroa lakwai God, mo uduhuri a kinau kinia, mo ngara karakara, a mena tinangi ramo huki tina matana. I God a nona huirana eia kwara ne vakahikinia tina mateana, vae huri i Kraes mo lailai hivokinia u domi mavaki God, i God mo rongohuria.