Popular Bible Verses from 2 TIMOTI 2

Share

Kona vuvuturaki lo nomu bolokiana savia kwara kona vai na kinau hinea i God u lagwa luna tigwaravu. Lo hala hi, konahe maemae tea mana nomu bolokiana lo nako i God, vae kona huhui na tangaloi kina leo na vitikareaki noi God lo hala bakoto.

Ko hatu huri na domidomi hati nona ngwalagelo hinea rau lengai na kinau hinea rahe taritarisa tea. U taritarisa kwara kona bulu maira hinea rau tuku tiutangaroa lakwa na noda Hugwe* kina domi ngwasara. Kona vai rongo hokinira kwara kona bohibohi lo hala bakoto, kona huri na hala na hauhuriana mana lagwaana mana magemuana.

He taritarisa tea kwara a tangaloi boloki na noda Hugwe ne viroro mana tangaloi. Aia ne vai tabetabeki na tangaloi tigwaravu, ne vai lai ne huhui na tangaloi ne karea, a domina ne bua.

Diko i kita tahe kwiribibi na noda tulikileo tea, vae aia u kwiribibi na nona tigwaravu, huri aia nehe vai lai tea kwara ne bohiki na leona.”

Ne hahara na tangaloi hinea rau tu vovohia lo hala karea, ne kwaha tabetabe maira. Vae diko i God ne bete te taro lakwara kwara rana bohi na domiga tina noga vaivai hati, rana mulemai rana kikilai na vitikareaki.

Kona hatu bulubulu lo kwahakwaha hinea rau kwahakwaha hati vovohi God, diko mana kwahakwaha hinea a kwahakwaha rera, huri a leo hokinira hi rana revei na tangaloi rana vano vakahao ti God vakevake.