Popular Bible Verses from 2 TIMOTI 3

Share

A Uliuli Kokona savia, i God u lalahi na tangaloi kina lolorani vae ramo ulibibira. A leo vano hi rau taritarisa kwara a tangaloi rana huhui na tangaloi kina vitikareaki, vake kwara rana tu koro na leo kurakura kinira. Rau taritarisa kwara rana vai ngwakutaki na bohiana hinea rahe taritarisa tea, vunu vake rau taritarisa kwara a tangaloi rana huhui na tangaloi kinira lo hala na bakotoana. A Uliuli Kokona vano hi, i God u betera kwara i kita a bulana tangaloi tana kikikila lo kinau savia, vae tana kikilai na hala ne karea kwara tana vai vataha na bolokiana hinea rau karea.

Ko domidomi luna hika kwara ne garagarani mana rani ki rovonaki a taro ne madi lakwa na tangaloi. A tangaloi rana domi hurira siboga, rana lengai na kinau vatahae, rana kwaha domidomira, rana domidomi hakekinira haburu. Rana kwaha bulakiki na tangaloi, ranahe rongohuri i tamaga mai retahiga tea, a tangaloi rana hago maira vae ranahe domi huri tea, vake ranahe domi huri i God tea. Rana vai bulabula, a hahakaviga ne tikei. Rana vitiviti huri tangaloi kwara rana vai na hinaga ne hati, a domidomiga ne sala, rana vai baribari vovohi na tangaloi. Rana bega kina kinau hinea rau karea. Rana vai bulakiki rabuluiga, rana vonovonoka, rana kwetukwetutu, rana lagwa mana kinau hinea rau rongo karea luga siletia hinea rana lagwa mai God. Lo nako na tangaloi rana bohibohi hokinia kwara aira a tangaloi noi God, vae rana bega kina nona huirana lo mamaurianaga. Ko hatu vano garagarani mana tangaloi hokinira hi.